Mizoram sawrkar chuan Mizoram-a Lockdown inkaihhruaina hman mek chu siamthain he inkaihhruaina siamthat hi nimin atanga tun thla ni 30 thleng hman tur a ni ang.
Hemi chungchanga nimin a Mizoram Chief Secretary leh State Disaster Management Authority-a State Executive Committee Chairman, Lalnunmawia Chuaungo in thuchhuah a siam danin inkaihhruaina hman meka Dawr, Sumdawnna leh hnathawhna hmuna inkaihhruaina chu tih danglam niin Dawr leh sumdawnna hmun te chu hawn phal a ni tawh dawn a, amaherawh chu khawpui lunlai leh Building khat-a Dawr awm te erawh chu ni khat kar dan-a inhawnchhawk tur niin Dawr inthenawm te chu ni khat-ah a ruala hawn phal a ni lova, heng bakah kawngsir-a inpho (Hawker) te chungchang chu DC te kaihhruaina hnuaiah Local Task Force ten ruahmanna an siam anga. Hei bakah hian AMC Area, District Hqrs. leh Containment area-a phalna neilo te mahni In leh Compound chhuahsan phallohna chu hlih a ni ta bawk.
Hei bakah hian Aizawl khawpui-ah chuan lirthei tlan theih dan pawh tih danglam a ni ta bawk a, Registration number kawpkim leh kawpkim lo te chu a inchhawk-a tlan theih dan tur ruahmanna siam a ni bawk.
Comments
Post a Comment