Chanchin thar thenkhat :

Ruihhlo man sa halral

Excise & Narcotics Department chuan nimin-a 'International Day againts Drug Abuse & Illicit Trafficking' denchhenin ruihhlo an man sa, Court in tihral a phalsak cheng nuai 928 hu chu an halral. Zoological Park, Lungverh Incinerator-a ruihhlo halralna hun hi MJA General Hqrs. President, Zonunsanga Khiangte chuan khuallian nia hmanpuiin Excise & Narcotics Department leh thuthar thehdarhtute chu hman atang tawhin inhne hnai tak, sawrkar Department zingah Journalist-te kawm ngeih ngam tlemte zing ami an ni tih a sawi a. A chhe lama tarlan tam loh Department leh fakmawi chawp ngai lo an ni tih a sawi bawk. Nimin a ruihhlo halral zingah hian Methamphetamine tam berin mum 507,227 (Kg. 52.759) zet niin cheng vbc. 50.72 hu zet a tling a, Heroin pawh kg. 6.810 chuang zet telin hei hi cheng vbc. 38.88 hu a tling bawk a ni.

Building chhuahsan turin ti
Chawngte Bazar Building-a sumdawnna kalpui mektute leh YCA Kamalanagar-I Branch Office te chu tun thla ni 28 hmaa insuanchhuak tura hriattir an ni. Chawngte atanga thudawn danin Chawngte Bazar hi hun rei tak thawmthat a nih tawh loh avang leh tunhnaia lirnghing avanga chhiatna thleng ah chim chhe mai thei dinhmuna ding a nih avangin chhiatna rapthlak leh harsatna liantham a thlen lohna turin Chawngte Sub-Divisional Magistrate chuan he Building a sumdawnna kalpui mek leh YCA Kamalanagar-I Branch Office te chu naktuk, June 28, 2020 hma ngeia in suanchhuak lailawk turin a ti ta a ni.

RT-PCR khawl hlan ta
Thorang bialtu MLA, Zodintluanga chuan Lunglei Civil Hospital tan COVID-19 test-na khawl, RT-PCR khawl a pe a, he khawl hi Germany Company, Thermofisher siam niin niminpiah khan Lengpui rawn phurh thlen niin nimin khan Lunglei-ah phurh thlen leh a ni a, nimin vek khan Lunglei DC, DLTF Chairman ni bawk, V. Lalsangliana chuan lo dawngin Civil Hospital-ah dah nghal a ni.

ZPM ten sawrkar an ngen
ZPM General Hqrs. chuan Pathian zarah Mi-zoram chu hri leng (COVID-19) lakah zawi zawiin kan fihlim tih sawiin, chawpchilh taka Mizoram sawrkarin a hma aia khauh zawka June 30 thlenga Lockdown 7.0 a puang hnuhnawh leh a kenkawh dan hian mipui tan harsatna a thlen nasa hle tih an sawi a. Lockdown kan hman mek zawh hnua kan awm dan tur ruahmanna tha tak siam lawka puangzar turin sawrkar chu an ngen bawk.

Smart City projects en ho
Nimin khan Chief Minister, Zoramthanga hovin CM Cabinet Meeting Room-ah Smart City hmalakna hnuaia Aizawl tihchangtlunna tura project thenkhat thlirho a sawiho a ni a. He hunah hian UD&PA changtu Deputy Chief Minister Tawnluia, Sports & Youth Services Minister Robert Romawia Royte, UD&PA Secretary Dr. Vanlalramsanga leh Aizawl Smart City Limited EO, Lalrothanga te an tel a ni.

Comments

Chhiar Hlawhte