Lockdown 6.0 khauh taka kalpui dan tur rel

Nimin khan Home Minister, Lalchamliana hovin Lockdown 6.0 kaihhruaina khauh taka kalpui dan tur Chief Secretary Conference Hall, Aizawl-ah sawiho a ni.
He hunah hian Lockdown chhunga mipui pawn chhuah phalna pek chungchangah an awmna LLTF/VLTF Chairman in tul a tih angin lehkha ziah sak se, chhhiatna, thihna leh damlohna bikah lo chuan pass pek mai mai nilo se an ti a. Mamawh leitura hmundanga chhuak turte chuan an awmna LLTF/VLTF Chairman phalna lehkha an keng tur a ni a, LLTF/VLTF Chairman phalna lehkha kenglo pawn a chhuak te chu The Mizoram (Containment and Prevention of Covid-19) Ordinance Chapter II Offences and Penalties (No. 9) in a phal angin pawisa chawitir zel tur a ni tih rel a ni.
Police duty ten mimal motor tlanchhuak te uluk taka lo ti dinga phalna an neih leh neihloh lo endik zel tur a ni a, Identity Card nei nazawng in pawnchhuah an tum thin avangin sawrkar Office kal te pawh Office Identity Card leh detailment order, softcopy emaw hard copy keng tura tih an ni bawk.

Comments

Chhiar Hlawhte