Inthlan chuh tum mi 3 in hming an pelut

Tun thla ni 19-a Mizoram Rajya Sabha MP thlanna neih tura chuh tumte tana hming pekluh hun tawp ni, nimin khan mi pathum te chuan inthlanna chuh tumin hming an pelut.
Mizoram in Rajya Sabha-a Seat khat a neih hnawhkhahna tura inthlanna tun thla ni 19-a neih tura chuh tumte tana hming pekluhna hun tawp ni, nimin khan MNF Candidate, K. Vanlalvena chuan Returning Officer, H.Lalrinawma, Commissioner & Secretary, Assembly Secretariat hnenah Nomination a file a. Nomination a File hnua Thuthar thehdarhtute zawhna chhangin K. Vanlalvena chuan Rajya Sabha MP turin ani aia phu zawk leh thawk hah zawk an Party-ah mi tam tak an awm thu a sawi a. “Tluang taka MP ka lo ni chho ve ta anih chuan theihtawpin ram tan ka thawk ang. Vannei ka inti a, Pathian hnathawhah ka ngai,” a ti bawk.
He inthlanna neih tura Congress Candidate, Dr. Lallianchhunga pawhin nimin vek khan RO hnenah Nomination File in hemi hnu hian thuthar thehdarhtute hmaa tunhnaia BJP sawrkar hmalakna hrang hrangte sawiin, MNF Candidate thlantlin a nih chuan Rajya Sabha-ah a thutna tur a chiang tih a sawi a, an  thiltihdan tha lo leh hlauhawm chu dodaltu mi sing tam an awm a ni tih an lanchhuah tir chu an mawhphurhna a nih thu a sawi bawk. He hunah hian Dr. Lallianchhunga hi CLP Leader, Zodintluanga leh Party hruaitu thenkhat ten an tawiawm a ni.
He inthlanna a ZPM Candidate tur, B. Lalchhanzova pawhin Vawiin vek khan Returning Officer hnenah Nomination File in he hunah hian ZPM President, Lalliansawta leh Party hruaitute bakah MLA atangin Lalchhuanthanga, VL. Zaithanzama, Vanlalhlana leh Dr. Vanlalthlana ten an tawiawm a ni. He inthlanna chuh tuma Nomination Paper thehluh te hi Vawiin-ah enfiah nghal a ni anga, tunkar Zirtawpni thleng inhnukdawk duhte tan inhnuhdawhna hun hawn a ni bawk ang.

Comments

Chhiar Hlawhte