Hri kai mi 4 hmuh belh leh

Niminpiah khan Mizoram-ah COVID-19 kai mi 4 hmuhchhuah belh leh an ni.

Zoram Medical College (ZMC) Laboratory-ah niminpiah khan Sample 705 enfiah leh niin heng atang hian COVID-19 kai mi 4 hmuh belh leh an ni a, heng mite hi mipa 1 leh hmeichhia 3 niin kum 24-30 inkar an ni a, an vai hian Quarantine Facility-a awm lai leh Symtom neilo vek an ni a, mi 3 hi Delhi atanga rawn haw niin midang pakhat hi Maharashtra atanga rawn haw a ni thung.

Heti hian Mizoram-ah COVID-19 kai hmuhchhuah mi 121 awm tawhin mipa 59 leh hmei-chhia 62 an ni a, an zinga mi pakhat chu enkawl dam ni tawhin mi 120 chu enkawl mek an ni a, hri kai hmuhchhuah hi Lunglei District-ah tam berin 45 hmuhchhuah an ni tawh a, Aizawl District-ah 32, Mamit District-ah 14, Kolasib District-ah 11, Champhai District-ah 5, Lawngtlai leh Siaha District-ah 4 ve ve, Saitual District-ah 3, Khawzawl District-ah 2 leh Serchhip District-ah 1 niin Hnahthial District-ah hmuhchhuah an la awmlo thung.