Chinghnia in Bawng bei

Serchhip khaw bul, Hriangtlang khuaa Bawng chu tunlai hian Chinghnia in a khawih thin nia hriat a ni a, Bawng engemaw zat a bo tawh bawk.

Hriangtlang khua atanga thu dawn danin tunhnai khan Hriangtlang khuaa Vanlalzika Bawng no chu bo in Thawhtanni khan Lalsangpuia Bawng chu sa in a bei leh a, nimin khan B. Lalnghakliana Bawng chu ransa in lo bei lehin hemi va hmutute hian Chinghnia in a bei tih an finfiah a ni.

Thudawnna chuan Hriangtlang-ah hian an Bawng vulh an khung loh thu leh dai-ah an dah thu sawiin, tuna Chinghnia in an bawng vulh a beihna hi Hriangtlang leh Sialhau inkar, khua atanga hla lo te a nih thu an sawi a. Hemi hmalam pawh hian an khua a Bawng no thenkhat chu bo fo tawh tih pawh sawiin, amaherawh chu mi thenkhat thang kam-ah a inawk palh nia an ngaih mai thin thu an sawi bawk.