Hmuntha Kohhran in hlan

/
Hmuntha Presbyterian Kohhran chuan Ser-chhip District-a Quarantine Centre hrang hranga awm te tan Tui thianghlim tam tham tak District Bawrhsap hnenah an hlan.
Serchhip District chhunga awm, Hmuntha Presbyterian Kohhran chuan tunlai hrileng avanga khunghran mekte tan nimin khan Tui thianghlim, OASIS Pet bottle case 50 (Bottle 600) chu Serchhip District Bawrh-sap leh District Task Force on COVID-19 Chairman, Dr. Lalzirmawia Chhangte IAS hnenah an hlan a. Heng Tui hlan tur hian bialtu Pastor, Rev. S. Lalrinzuala leh Upa H. Lalramliana te rawn kalin Serchhip DC Office Tual-ah an inhlan a, he hunah hian Bawrhsap chuan tun dinhmuna an mamawh tak rawn pek nachang an hria chu lawmawm a tih thu a sawi bawk.

Comments

Post a Comment

Popular News (Last 30 Days)

SDVA in hruaitu tur thlang

/
Image
Serchhip District Volleyball Association (SD-VA) chuan nimin khan khan Serchhip Kawnpui VC Hall-ah kum 2024-2025 chhunga an Pawl hruaitu tur thlanna an nei a, President-ah K. Tlangthanmawia (Bazar Veng); Sr. Vice President-ah VL. Hruaitluanga (Bazar Veng); Vice President-ah H. Rohmingliana (Chhim Veng); General Secretary-ah Zothansanga (Chhim Veng); Joint Secretary-ah Jerry Lianhming-thanga (Vengchung) leh Zoramthara (Darnam Veng); Treasurer-ah C. Lalhruaitluangi (Chhiah-tlang Kawn Veng) leh Fin. Secretary-ah R. Lalhnehzauva (Vengchung) te thlan an ni.
Kimchang zawkin »

Truck 8-ah Kuhva ro man

/
Nimin zing dar 3:00 vel khan Mizoram Police te leh Central YMA Kumpuan Sub-Committee te chuan Seling daiah Myanmar atanga dan lova rawn lut ni a rin Kuhva ro Trip 8 leh Escort motor pahnih an man. Thudawn danin, Kuhva ro te hi Truck ke 10 nei Motor 8-ah phurh niin Truck vengtu, Escort Motor 2 man tel a ni a, lirthei leh a khalhtu mi 10 te chu manin Seling Police Outpost pek an ni a, heng Kuhva phur Motor te hi Champhai atanga rawn kalin Khawzawl Gate an rawn paltlang nia hriat a ni. Dan lova Kuhva ro a sumdawnna hi a rukin kalpui reng nia a lan avangin Central YMA leh Police te chuan theihtawp chhuahin hma an la zui mek zel a ni.
Kimchang zawkin »