Latest News

Khunghran mi 43 te chhuak

Serchhip District chhunga Quarantine Facility hrang hrang atangin nimin khan mi 43 te chu chhuahtir an ni a, heng mite hi an Sample Test hnu-a Negative vek nia thudawn an ni.
Mizoram pawn atanga Serchhip District mi leh sa rawn haw, ni 14 khunghran ni tawh mi 43 te hi Vocational Training Centre (VTC) Serchhip P&E Veng-a awm mi 28 bakah Tourist Lodge, Serchhip leh Highway Restaurant, Chhiahtlang-a awm mi 15 te an ni a, heng mite hi Quarantine Centre-a an awm chhung hian an Sample lak an nih thu leh Negative an nih thu Serchhip CMO Office-a thawk te chuan an sawi a ni.
Heti hian tun dinhmunah Serchhip District chhunga inkhunghranna hmun hrang hrang ah inkhunghrang mi 366 an awm mek a, heng te hi mahni In lama a tir atanga inkhunghrang mi 15 te, Sawrkar hmun siam-a inkhung zo tawh, mahni In lama inkhunghrang leh mi 49 te, Sawrkar hmunhma a inkhunghrang mek mi 173 te, Vantlang leh Kohhran hmunhmaa inkhunghrang mi 108 leh Isolate a dah mek ni 21 te an ni.
Hetihlai hian nimin lamah Serchhip-a Quarantine Facility hrang hranga awm mek te Sample lakkhawm hna chu thawh chhunzawm leh a ni a, nimin-ah chuan Sample thawn thar erawh a awm hman rihlo nia thudawn a ni bawk.

Comments

Popular News (Last 30 Days)