Latest News

MZI hruaitu thlanna nei

Mizo Zaimi Inzawmkhawm (MZI) Hqrs. Serchhip chuan nimin khan kum 2021-2022 chhunga an hruaitu tur thlanna MJA Serchhip District kaihhruaiin an nei a, President-ah Otto K. Lalchhuanawma (P&E Veng); Vice President-ah Lalramnghaka Kawlni (Tuikhuah Veng); Secretary-ah C. Zodinthara (Leisang Veng); Asst. Secretary-ah R. Lalrinfela (Bazar Veng); Treasurer-ah Lalnunsiami Khiangte (P&E Veng) leh Fin. Secretary-ah Johny Lalhruaitluanga (Venglai) te thlan an ni.

Hmeichhe khunghran te Sanitary Pad sem an ni

Ministry of Women & Child Development hnuaia One Stop Centre Serchhip District, DC Office Serchhip-a awm mek te chuan Covid 19 vanga Serchhip District chhunga Quarantine Centre a awm mek hmeichhia 214 te tan nimin khan Sanitary Pad an sem.
Quarantine hun chhung hi a rei dawn avangin Quarantine Centre a awm hmeichhia ten an mamawh ngei tur anih avangin Sanitary Pads hi sem an ni a, thilpek hi Serchhip DC Office-a Superintendent, R. Lalmuankimi leh One Stop Centre-a Centre Administrator, Lalchhanhimi leh thawktu dang ten Serchhip khaw chhung Quarantine Centre hrang hrang ah kalin duty te hnen ah an hlan a, nimin-a hlan bak Serchhip khawchhung leh Thenzawl-a Quarantine Centre a mi te pawh a remchan dan in pek an ni ang.
One Stop Centre hi hmeichhia an nih avanga inchhungkhur leh hnathawhna hmuna tihduhdah leh harsatna tawk te (Domestic Violence) tana din a nih angin COVID-19 vanga lockdown kalpui mek karah pawh hmeichhia harsatna tawk an awm chuan englai pawh in OSC Serchhip District, D.C Office Serchhip-ah emaw, Mobile No : 8415049957 ah leh thawktute hnenah thlen theih reng a ni.

Comments

Chhiar Hlawhte