Health Department sum hman Audit sawifiah

Mizoram sawrkar-a Finance Commissioner, Vanlalchhuanga chuan kar hmasa a Health Department sum Audit chungchang a sawifiah.

Nimin a Health Minister in thuthar thehdarhtute a kawmna ah Finance Commissioner chuan he Audit hi Internal Audit a nih thu sawiin, Chief Secretary kaihhruai State Executive Committe in Health department in COVID-19 dona kawnga sum an hman leh an la hman leh zel turte felfai zawka an ruahman a, an inchinfel theih a tul a tih vangin hun rei deuh tawhah khan Internal Audit neih nise tih a rel thu leh hemi bawhzuina hi a nih thu a sawi a. AG in External Audit a neih hunah felfai taka an lo hmachhawn theihna tura an lo inhmakhawsuih theihna tur zawk a ni tih sawiin, a tul angin sum an mamawh ang pek belh an la ni zel zawk dawn tih sawiin, thil mak tak anga sawi hluai tur a nih lemloh thu a sawi bawk.