Chanchin thar thenkhat :

Quarry chim in mi 1 chhilh

Nimin chhun dar 1:00 vel khan Hlimen ram-a Sangbera (L) lung lakna hmun chu chimin Lalhruaizela S/o Lalnunthari, Samtlang chu a chhilh a, he thu buatsaih lai hian lakchhuah tuma buaipui mek a ni. Thudawn danin he lung lakna hmun hi Hlimen leh Samtlang inrina bul, Hlimen a\anga KM 4 vela hlaa awm a ni a, nimin khan helai hmunah hian mi 8 ten hna thawkin chhun dar 12:45 velah lung lak tur hi an hal a, minute 15 hnu velah a Lalhruaizela hi a chung lamah lawnin hetihlai hian a chunglam lei chu a rawn tawlh a, hei hian Lal-hruaizela hi rawn tawlh puiin a \hian \henkhat te chu an tlanchhia a, he lei tawlh hian a ke chiah a chhilh avangin lakchhuah tuma an beih laiin lei hi tawlh lehin a chhilh ta nia thudawn a ni.
He vanduaina thlenna hmun hi sawrkar lam mi pawimawhte pawhin thleng nghalin lei in a chhilh, Lalhruaizela lakchhuah tum hian khawl nen beih nghal a ni. Helai hmun hi kum 10 vel zet lung lakna atana hman tawh a ni.

MLA in Ambulance hlan
Lawngtlai West bialtu MLA, C. Ngunlian-chunga chuan Lawngtlai District-a COVID-19 do nana thawktute tha tihchak nan leh an mamawh phuhruk nan nimin khan bungrua chi hrang hrang a sem a. Lawngtlai CMO hnenah Ambulance pakhat bakah PPE Suit 50, Face shield 600 leh Rs. 50,000/- hlanin Lawngtlai District Level Task Force on COVID-19 (DLTF) te hman turin Lawngtlai DC hnenah cheng nuai hnih (2) a hlan a. Central YLA kutah Rs. 1,50,000/- a hlan bawk.

Vbc. 17 chuang lut tawh
Nimin thleng khan Mizoram-ah COVID-19 dona atan mi tlawmngai ten Chief Minister's Relief Fund-a sum an thawhkhawm chu cheng vbc. 17.21 a tling tawh tih sawrkar thuchhuah chuan a tarlang a, hemi a\ang hian Rs. 8,25,32,560/- chu hman ni tawhin hman bang cheng vbc. 8.95 ala awm a ni.

MSU in List siam an thehlut
Mizo Students’ Union (MSU) General Hqrs. chuan nimin khan School Education Minister hnenah Class kal theih loh chhunga zirlaite hnena fee khawn Institution-te hming list an thehlut. MSU thuchhuah tarlan danin COVID-19 hrileng mek avanga Class kal theih loh anih laiin Private Institution hrang hrang (Professional Course) zirna In ten zirlaite hnena fee an khawn chu an hrethiam lo hle tih sawiin, hemi chungchang hi June 19, 2020 khan Higher & Technical Education Minister chu an sawipui thu an sawi a. Minister hian hetiang a zirlaite hnena Fee lo khawn Institution-te zawng chhuak turin MSU a ngen angin Private Institution hrang hrangte hi an zirchian thu leh a list chu an thehluh thu an sawi a. Minister hnenah hian Class kal theih loh chhunga zirlaite hnena Fee an lo khawn tawh chu pek let an nih theih nan leh Class kal theih loh chunga Fee hi khawn tawhlo tura hma la nghal tura ngenna an thehluh thu an sawi bawk.

Cheng nuai khat in ral
Siaha District chhunga COVID-19 dona-a Ramri duty-na a damlo leh boral zuita, Nelson K. Beizachhi, Khopai khua chu Chief Minister's Relief Fund a\angin Rs.1,00,000/- a ral a ni a, ralna sum hi Siaha Deputy Commissioner, Bhupesh Chaudhary IAS chuan Nelson-a pa, K. Thlacho hnenah a hlan a ni. Hei bakah hian ramri-a duty leh vanduaina tawh avang a boralta, Lalvulmawia, Zawlnuam Bawrai Veng pawh Chief Minister's Relief Fund a\angin Rs.1,00,000/- a ral a ni bawk.

ZMC-ah Washing Machine pe
Aizawl South-II bialtu MLA, Lalchhuan-thanga chuan nimin khan Zoram Medical College (ZMC)-ah insukna khawl, Washing Machine a pe a, COVID-19 in min tihbuai lai leh positive te enkawlna hmun ZMC-a damlo thawm-hnaw sukna lamah hri inkaidarh hlauhthawnna avang te, awlsam zawka thawktute an chet theihna tur atan \angkai taka an hman duhsak chungin he Washing Machine hi a pe a ni.

Comments

Chhiar Hlawhte