Health Department in fimkhur lehzual a tul thu sawi

Health and Family Welfare Department chuan COVID-19 hri chu kan khawtlangah leng mai thei (Community Spread) a nih avangin kan fimkhur lehzual a ngai tih an sawi.
Hemi Mizoram State pawn atanga lo haw leh lo lut an pun zel thu sawiin, a tam ber hi Red Zone atanga lo lut an nih avangin COVID-19 hri kai pawh hmuhchhuah belh a nih tak zel thu tarlangin, hei vang hian State pawn, Red Zone atanga lo haw leh lo lut te reng reng chu a tam thei ang ber RT-PCR sample la in COVID-19 Testing Laboratory, ZMC-ah thawn-a test tur a nih thu te, Quarantine-na hmunah hian ni 14 chhung awm tur a nih thu leh hemi chhung hian RT-PCR Test result chhuak hman ngei tura ngaih a nih thu a tarlanga. Rokhawlhna engemaw avanga hemi chhunga test result chhuak hman lo an awm palh hlauh chuan Quarantine Centre bialtu Health Official ten Principal Director be rawnin an chungchang an rel fel tur thu leh hei hian inkhunghranna hrang hranga awmte a huam vek thu bakah RT-PCR sample lak hi District tinah CMO leh DMS-ten ruahmanna siama kalpui tur a nih thu an tarlang bawk.

Comments

Chhiar Hlawhte