Doctor ten FIR thehlut

Siaha District Doctors Welfare te chuan Mara Students Organisation (MSO) Joint Hqrs. lakah FIR an thehlut.

Siaha District Doctors Welfare te chuan nimin khan thuchhuah siamin MSO Joint Hqrs. ten thuchhuah siama Siaha-a COVID-19 Positive, COVID Care Center a awm mek te ngaih-saklo leh vawi khat chauh tlawh anga an sawi leh, Social Media bakah Cable TV-a June ni 23 a an puan chu Doctor leh thawktu dangte tih hmingchhiat tumna leh thamlohna ah an ngai tih an sawi a, hemi chungchangah hian thudik finfiah a nih a dawt hmanga thu thehdarhtute Dan anga hrem a nih theih nan FIR hi Siaha Police Station ah an thehlut a. FIR ah hian Siaha District a CMO Office leh Hospital-a awm Doctor 23 ten hming an ziak a ni.

Hemi chungchang hi Siaha CMO, Dr. Hniechho chuan thuthar thehdarhtute hnenah sawifiahin, an fellohna leh tlinlohna ah chuan theihtawpa insiamthat zel an duh thu sawiin, COVID-19 case avanga Siaha-a Medical Department Staff te chhun zan zawma an thawh lai leh ram tan theihtawp chhuah tura an infuih mawlh mawlh lai leh COVID Care Center a awm mek te pawh Nurse pahnih leh IV Grade pakhat in an riahchilh bakah Doctor in vawi 8 lai an tlawh laia hetianga dawt a intihmualpho chu na an tih thu a sawi a ni.