Hri kai hmuhchhuah 3 awm; Enkawl dam pung zel

/
ZMC Laboratory-a niminpiah-a Sample enfiah te atangin COVID-19 hri kai hmuhchhuah mi 3 an awm leh a, tun thlengin Mizoram-ah hri kai hmuhchhuah mi 145 an awm tawh.
Sawrkar thuchhuah in a tarlan danin niminpiah khan ZMC Laboratory-ah hian Sample 620 enfiah niin heng atang hian hri kai hmuhchhuah pathum awmin mi 617 te chu hri lakah hian an him tih finfiah a ni a, niminpiah a hri kai hmuhchhuah thar te hi Aizawl District atangin mi 2 leh Lunglei District atangin mi pakhat 1 an ni a, Mipa 1 leh Hmeichhia 2; kum 26-37 inkar niin Delhi atanga lo haw mi 2, Quarantine Facility-a awm ve ve bakah midang pakhat hi tunhnaia hri kai hmuhchhuah tawh chhungte zing ami, Home quarantine lai a ni thung. Lunglei District atanga hri kai hmuhchhuah hi Lunglei-a TrueNAT hmanga Sample enfiah zinga Positive, ZMC Laboratory-a enfiah leh tura thawn a ni.
Hetihlai hian niminpiah-a ZMC-a COVID-19 damlo mi 7, Aizawl District mi 5, Kolasib District mi 1 leh Saitual District mi 1 te chhuahtir an nih hnuah nimin khan Champhai-a CIVID-19 hri kai mi 4, Mipa 3 leh hmeichhia pakhat te pawh dam taka chhuahtir leh an ni a, heti hian Mizoram-ah COVID-19 hri kai hmuhchhuah mi 145 awm tawhin mi 24 te chu dam-a chhuahtir an ni tawh a, tunah hian enkawllai mi 121 an awm mek a ni.
@@@

Hri kai hmuchhuah 4,56,183 an tling tawh
Nimin thleng khan India ramah COVID-19 kai hmuhchhuah mi 4,56,183 tling tawhin nunna chan mi 14,476 an tling tawh bawk. Ministry of Health & Family Welfare chhinchhiahna atanga a lan danin darkar 24 kalta chhung khan India ramah hri kai hmuhchhuah thar 15,968 awmin heng mite nen hian tun thlenga hri kai hmuhchhuah hi mi 4,56,183 an tling tawh a, heng zingah hian mi 2,58,684 te chu enkawl dam ni tawhin hei hi za zela 56.64 niin hri kai enkawl mek 1,83,022 an awm thung a, hri kai enkawl mek aiin enkawl dam hi 75, 662 in an tam zawk a ni. Hetihlai hian darkar 24 kalta chhung khan nunna chan mi 435 zet an awm leh bawk a, heng te nen hian hri kai zingah nunna chan mi 14,476 an awm tawh bawk a, hei hi hri kai hmuhchhuah zawng zawng atangin zaa 3.17 an tling a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »