Chanchin thar thenkhat :

Mamit-ah PMAY hawn a ni

Mamit DC, Dr. Lalrozama IAS chuan nimin khan Pradhan Mantri Awas Yojana (PMAY) Housing for All (Urban) chu an District-ah tlang-zarhin Beneficiary Led Construction (BLC) 1st Instalment chu mi 106 hnenah a thawhkhatna atan a sem nghal bawk. Mamit DC Conference Hall-a hemi puala inkhawm ah Mamit DC chuan Pradhan Mantri Awas Yojana (PMAY) Housing for All (Urban) in a tum ber chu khawpui chhunga In la neilo te tan In sak a nih thu leh a nihna ang taka hmang tur leh a hmanna tur taka hman a tul thu a sawi bawk. BLC-ah hian 1st Instalment dawng tur Mamit-ah Beneficiary 528 leh Zawlnuam-ah Beneficiary 239 tan Fund hi dawn a ni a. Tun tumah hian Beneficiary 106 hnenah sem niin a dang zawng hi a tahtawla sem leh tur a ni.

AH&Vety Minister in tlawh
AH&Vety Minister, Dr. K. Beichhua chuan nimin khan Siaha District, Chhaolo rama AH & Vety Department ranchaw chinna hmun chu tlawhin Chhaolo khua leh a chhehvel khua, Siata leh Chakhei khua atanga Tipa 'B' thleng huama Sial vulhna tura Community Mithun Development Project an siam chu a natna hrileng avangin a hlawhtlinna la hmu thei lo mahse, a la hlawhtlin ngei a beisei thu a sawi a, Chhaolo khuaa Rural Animal Health (RAH) Centre sakna tur pawh tihfel tawh a nih thu a sawi bawk. Nimin vek khan AH&Vety Minister hian Siaha District COVID-19 Food Security Consultative Committee (SDCFSCC) anga hmalakna Chhaolo khaw-tlang Vaimim chinna hmun chu a tlawh bawk.

MYC Chairman in tlawh
Lunglei North bialtu MLA leh MYC Chairman, Dr. Vanlaltanpuia chuan nimin khan a bial chhunga COVID-19 Quarantine Facility Centre te bakah COVID-19 hri kaite enkawlna hmun a tlawh a, hri kai mek te enkawltute chu an inpekna a fak bawk. Heng hmun hrang hrang a tlawhna ah hian PPE Set bakah Mask, Gloves, Hand Sanitizer leh tui in tur a pe a ni.

ZMC-ah mi 31 enkawl mek
Zoram Medical College-a COVID-19 damlo mi pakhat chu enkawl dam a nih hnuah nimin khan chhuahtir niin nimin thleng khan ZMC-ah hian COVID-19 damlo mi 20 enkawl dam an ni tawh a, nimin khan damlo mi 2 dahluh thar ni thungin mi 31 enkawl mek an ni. Tuna damlo an enkawl mek te hi Mipa 7 leh hmeichhia 24 niin Aizawl District mi 24, Kolasib District mi 4, Saitual District mi 2 leh Serchhip District mi pakhat an ni.

Sawhthing thawnchhuak leh
Mizoram Agriculture Marketing Solution (MAMSO) chuan Furpui thlen hmaa Sawhthing an leikhawm an thawnchhuah hnuhnung ber tur chu nimin khan Ch. Saprawnga Truck Terminal, Aizawl-a MAMSO Ginger Collection Centre atangin an thawnchhuak a, MAMSO in Lock-down chhunga Sawhthing hralhchhuah hi Quintal 4440.60 a tling tawh a. State pawn atanga Sawhthing chingtute tana sum a hailuh pui zat hi cheng nuai 155 a tling tawh a ni.

Rawn haw tur 1155 la awm
State páwna Mizoram mi tangkhangte buaipuitu, COVID-19 Task Group on Migrant Workers & Stranded Travellers-in report an neih danin State pawna Mizoram mi tangkhang inkharkhip avanga haw duh inhriattir chu mi 13,114 niin mi 11,964-in Mizoram an rawn thleng tawh a, kawng-a thang mek mi pasarih an awm bakah rawn la haw tur chhinchhiah zat chu mi 1,155 an ni.

Motor hman man leh Driver hlawh tum sak dawn
Lunglei High Power Committee (HPC) Vice Chairman, Lawmawma Tochhawng MLA chuan Lunglei-a Health Department te lirthei indaih-lohna phuhrukna atan Motor (Tata Sumo) a hman sak dawn a, he motor khalhtu hlawh pawh a tum sak ngal dawn a, a hmalakna ah hian Health Department chuan lawmthu an sawi a ni.

Comments

Chhiar Hlawhte