Damdawi In-a a tul tul thawk turin mi 26 an inpe

COVID-19 leng avanga Saitual District Hospital-a thawktu indaihlohna phuhru turin mi 26 an inpe a, heng mite lawmna leh fuihna hun chu nimin khan buatsaih a ni.
COVID-19 hri kai mi 3 an neih hnuah Saitual District Hospital-ah thawktu an indaihlohna phuhru turin Saitual Group YMA chuan Saitual Town chhunga YMA Branch hrang hrang atangin Damdawi In-a thawktute pui tur Volunteer te an zawng a, hun reilote chhungin YMA member mi 26 chu Branch leh Group YMA hruaitute hnenah inpe nghalin heng mite lawmna leh fuihna hun hi nimin khan Saitual District Hospital Compound-ah District Bawrhsap, VL. Hruaizela Khiangte hovin neih a ni a, Bawrhsap chuan thawktu indaihlohna avanga thawktute pui tura hlawh pawh nei lova mahni nunna hial thap-a an penchhuak chu ropui a tih thu a sawi bawk.
COVID-19 hrileng avanga Saitual District Hospital-a a tul tul thawk tura inpe te hi hmeichhia 9 leh mipa 17, an vaiin mi 26 an ni a, an zingah hian MBBS zirlai, M.Sc Nursing, B.Sc Nursing, GNM, Lab. Technician leh thiamna hrang hrang nei te an ni.

Comments

Chhiar Hlawhte

North Vanlaiphai Village Council-ah inthlanna neih that leh a tul dawn