Covid-19 : Sanitation Package Flag Off hun hmang

/
Swachh Bharat Mission (Grameen) hnuaia 'COVID-19 : Sanitation Package Flag Off Programme' chu nimin khan PHE Department changtu Deputy Chief Minister, Tawnluia hovin neih a ni.
A Pisa-a he hun hmanna ah hian COVID-19 hri leng dona ah sawrkar in theihtawp chhuahin ke a pen zel tih Deputy Chief Minister chuan sawiin, Sanitation workers te chu hrileng laka an invenna tur ngaihtuah sak State sawrkar chuan tula hriain, an hnathawh te COVID-19 hrileng laka him taka an thawh chhunzawm theihnan Swachh Bharat Mission (Grameen) hmalakna hnuaiah invenna hmanrua ngaihtuahsak tura State sawrkar a hriattir angin PHE Deparment chuan thingtlang khaw 692-a Village WATSAN Committee te hnena semchhuah turin hmanrua chi hrang hrang a buatsaih tih a sawi bawk.
Heng khaw 692 zingah hian khua 77-ah 'Inkhunghranna' (Quarantine Centre) siam a ni a. Heng hmun a hman tur bik atan hian PPE Gown, Protective Cap, Protective Shoe Cover, Examination Glove leh Hand Sanitizer te pek tura ruahman niin Sanitation hna thawktute tan Mask (hmaituamna) leh Disinfectant pekchhuah tura ruahman bawk a, nimin khan heng hmanrua te hi semchhuah nghal niin khaw hrang hrangte hi a inzat theuha sem an ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »