COVID-19 kai mi 2 hmuh belh leh an ni

/
Zoram Medical College (ZMC) Falkawn-ah niminpiah khan sample 176 endik leh niin heng mite atang hian COVID-19 kai mi 2 hmuh belh leh an ni.
Niminpiah a ZMC Laboratory atanga COVID-19 kai hmuhchhuah leh te hi mipa leh hmeichhia niin kum 22 leh 23 mi te an ni a, pakhat zawk hi Aizawl District niin midang hi Siaha District mi a ni thung. Heng mite hi tunhnaia Mizoram pawn atanga rawn haw te ve ve niin Quarantine Facily-a enkawl lai ve ve niin ngaihtuahawm an ni lo nia thudawn a ni. Heti hian Mizoram-ah COVID-19 kai hmuhchhuah mi 104 awm tawhin mipa leh hmeichhia 52 ve ve an ni a, an zinga mi 1 chu enkawl dam ni tawhin mi 103 te chu enkawl mek an ni.
Mizoram-a COVID-19 kai hmuhchhuah zingah hian Lunglei District mi tam berin Lunglei District-ah hian mi 45 hmuhchhuah an ni tawh a, Aizawl District-ah 22, Kolasib District-ah 11, Mamit District-ah mi 9, Champhai District-ah mi 5, Lawngtlai District-ah mi 4, Saitual District-ah mi 3, Khawzawl District leh Siaha District-ah mi 2 ve ve leh Serchhip District-ah mi 1 hmuhchhuah an ni tawh a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »