Result thar-ah hri kai awmlo

Hri leng mek avanga Serchhip District atanga Sample nghah 48 te chu nimin khan result hriat vek niin hri kai hmuhchhuah thar an awm lova, nimin khan Sample 36 te chu enfiah tura thawn leh a ni bawk.

Serchhip CMO Office atanga thu kan dawn danin Serchhip District atanga Sample thawn zinga result la hriatloh 48 te chu niminpiah khan ZMC Laboratory-ah enfiah niin heng Sample enfiah zingah hian hri kai hmuhchhuah an awm lova, an vai hian negative vek niin an result pawh hi nimin khan dawn nghal vek a ni. Hetihlai hian nimin khan Serchhip atang hian Sample 36 te chu ZMC-a enfiah tur hian thawn leh a ni a, nimin a thawn te chiah hi Serchhip District atanga Sample thawn zingah result hriatloh a awm tawh a ni.