Chanchin thar thenkhat :
CM Relief Fund-a lut tam
COVID-19 dona turin nimin thleng khan mimal, Pawl, Kohhran, sawrkar hnathawk, MLA leh mi hrang hrangte chuan Chief Minister's Relief Fund (CMRF)-ah sum an chhunglut zel a, tunkar Thawhtanni thlenga mi tlawmngai te sum thawhkhawm hi Rs. 17,21,19,570/- ni tawhin hei bakah hian hming tarlan duhlo/hming thup CMRF Account-a 'online'-a chhunluh (deposit) pawh Rs. 26,55,370/- a awm tawh bawk. Heng te nena CM Relief Fund-ah sum lut zawng zawng chu Rs. 17,47,74,940/- niin Rs. 8,25,32,560/- chu hmanchhuah a ni tawh a, tunah hian sum hmanbang Rs. 9,22,42,380/- awmin nimin khan sum thahnem tak lut a awm leh bawk a ni.
Mi 3 te Wheelchair hlan
Lunglei High Power Committee Vice Chairman, Lawmawma Tochhawng MLA chuan nimin khan pianphunga rualbanlo mi pathum (3) hnenah Wheelchair a sem a, heng Wheelchair-te hi HPC hnuaia hnathawktute leh mi inphal te thawh-khawm, HPC Relief Fund atanga ruahman a ni. Heng mi pathum te hnena Wheelchair hlanna ah hian HPC Vice Chairman chuan HPC Relief Fund-a phal taka sum thawhtute chungah lawmthu sawiin, he an inpekna avang hian mi tam zawk ten midang tana luanchhuah duhna rilru an put phah ngei a beisei thu a sawi bawk.
Mipuite fimkhur turin chah
Directorate of Geology & Mineral Resources chuan chhiatna laka mipuite kan him tlan theih nan thuchhuah siamin Fur chhungin In hmun leh hmasawnna dang atan lei laih loh tur a ni tih an tarlang a, In tin in tuidawn tha tak siama, ruahtui leh tuichhia zawng zawng nen tui paihna mumal tak siam theuh nise an ti a. Lung lakna (quarry) nei ten lung hal phalna (explosive licence) nei lovin lung hal phal a nih loh thu leh Explosive Licence nei pawhin Blast design hmanga lung hal tur a nih thu tarlangin, mahni In bul velah lei che tharlam a awm em tih enin, lirnghing a thlen in chi-ai mai loh tur a nih thu te an tarlang bawk.
Kalphung siamthat tul ti
Mizoram Pradesh Congress Committee (MP-CC) chuan ZMC Laboratory-a Sample test thin chu zan lamah result peihfel vek pawh nise a tuk zing dar 7:00-a I&PR in an puanchhuah hma loh chuan Positive pawh awmse Police ten Contact tracing an ti theilo niin an sawi a. Hei vang hian Positive an awm a nih chuan a zan la la a rang taka contact tracing tih a nih theih nan kalphung siam-that ngai an tih thu an sawi bawk.
Chawnghei-a nawrh tan
Mamit khawpui chhung Quarantine Centre pahnih-a awm mek mi 116 te chuan Mamit District chu ngaihthah bik ni a hriain nimin zing atang khan chawnghei a nawrh an nei a, heng mite hi May 29-a Karnataka State atanga rawn haw niin June 11 leh 12 khan an Swab Sample chu enfiah tura lak niin tun thlengin an result an la hrelo niin an sawi a, tunah hian ni 26 zet an inkhunghrang tawh niin an sawi a ni.
COVID-19 dona turin nimin thleng khan mimal, Pawl, Kohhran, sawrkar hnathawk, MLA leh mi hrang hrangte chuan Chief Minister's Relief Fund (CMRF)-ah sum an chhunglut zel a, tunkar Thawhtanni thlenga mi tlawmngai te sum thawhkhawm hi Rs. 17,21,19,570/- ni tawhin hei bakah hian hming tarlan duhlo/hming thup CMRF Account-a 'online'-a chhunluh (deposit) pawh Rs. 26,55,370/- a awm tawh bawk. Heng te nena CM Relief Fund-ah sum lut zawng zawng chu Rs. 17,47,74,940/- niin Rs. 8,25,32,560/- chu hmanchhuah a ni tawh a, tunah hian sum hmanbang Rs. 9,22,42,380/- awmin nimin khan sum thahnem tak lut a awm leh bawk a ni.
Mi 3 te Wheelchair hlan
Lunglei High Power Committee Vice Chairman, Lawmawma Tochhawng MLA chuan nimin khan pianphunga rualbanlo mi pathum (3) hnenah Wheelchair a sem a, heng Wheelchair-te hi HPC hnuaia hnathawktute leh mi inphal te thawh-khawm, HPC Relief Fund atanga ruahman a ni. Heng mi pathum te hnena Wheelchair hlanna ah hian HPC Vice Chairman chuan HPC Relief Fund-a phal taka sum thawhtute chungah lawmthu sawiin, he an inpekna avang hian mi tam zawk ten midang tana luanchhuah duhna rilru an put phah ngei a beisei thu a sawi bawk.
Mipuite fimkhur turin chah
Directorate of Geology & Mineral Resources chuan chhiatna laka mipuite kan him tlan theih nan thuchhuah siamin Fur chhungin In hmun leh hmasawnna dang atan lei laih loh tur a ni tih an tarlang a, In tin in tuidawn tha tak siama, ruahtui leh tuichhia zawng zawng nen tui paihna mumal tak siam theuh nise an ti a. Lung lakna (quarry) nei ten lung hal phalna (explosive licence) nei lovin lung hal phal a nih loh thu leh Explosive Licence nei pawhin Blast design hmanga lung hal tur a nih thu tarlangin, mahni In bul velah lei che tharlam a awm em tih enin, lirnghing a thlen in chi-ai mai loh tur a nih thu te an tarlang bawk.
Kalphung siamthat tul ti
Mizoram Pradesh Congress Committee (MP-CC) chuan ZMC Laboratory-a Sample test thin chu zan lamah result peihfel vek pawh nise a tuk zing dar 7:00-a I&PR in an puanchhuah hma loh chuan Positive pawh awmse Police ten Contact tracing an ti theilo niin an sawi a. Hei vang hian Positive an awm a nih chuan a zan la la a rang taka contact tracing tih a nih theih nan kalphung siam-that ngai an tih thu an sawi bawk.
Chawnghei-a nawrh tan
Mamit khawpui chhung Quarantine Centre pahnih-a awm mek mi 116 te chuan Mamit District chu ngaihthah bik ni a hriain nimin zing atang khan chawnghei a nawrh an nei a, heng mite hi May 29-a Karnataka State atanga rawn haw niin June 11 leh 12 khan an Swab Sample chu enfiah tura lak niin tun thlengin an result an la hrelo niin an sawi a, tunah hian ni 26 zet an inkhunghrang tawh niin an sawi a ni.
Comments
Post a Comment