Aizawl-ah Khelo India State Centre of Exellence din dawn

Central Sawrkar Ministry of Youth Affairs and Sports chuan Khelo India State Centre of Excellence Pariat (8) dinna tur a tihfel thu Union Sports Minister Kiren Rijiju chuan puangin, heng zingah hian Aizawl pawh a tel.
Nimin-a Sports Minister, Robert Romawia Royte hova Meeting chuan Aizawl Khelo India State Centre of Exellence hi RG Stadium, Deng\huama Indoor Hall, MSSC Sports Hostel Mualpui, Hawla Indoor Stadium, Aizawl Aquatic Centre te leh helai area a Sports hmun hma siambelh turte pawh huam se an ti a. Sports Minister, Robert Romawia Royte chuan Khelo India State Centre of Exellence chang hmasa State pariat (8) zinga Mizoram a tel ve chu a lawmawm takzet tih sawiin, Union Sports Minister leh Sports Ministry chungah lawmthu a sawi a. Minister chuan a bul\an nan Boxing, Weightlifting leh Judo thlurbing a ni ang a, discipline dang te pawh telh a ni ang tih a sawi bawk.

Comments

Chhiar Hlawhte