Latest News

Lunglei District-ah PM-KISAN dawng awmlo

COVID-19 hrileng avanga rampum-a inkharkhip kalpui a nih avanga loneitute harsatna chhawmdawl nana PM-KISAN Scheme kalpui mekah Lunglei District chhungah loneitu pawisa dawng an la awm lo.
Hemi chungchanga thudawn danin Agriculture leh Horticulture Department kaltlangin khaw hrang hranga loneitute hming hi BDO Office-ah thehluh tur a tih a ni a, amaherawhchu khaw tam takin loneitute hming list hi an thehlut hlei thei lova, hei hi a chhan ni awm a lang chu inkalpawhna leh Telephone signal that loh vang te pawh a ni thei tih a sawi. BDO Office Lunglei-a hemi buaipuitu chuan loneitu a tam thei ang berin Sawrkar laipui ruahmanna siam hi dawng se an duh tih an sawi a, thenkhat in hming list hi lehkha leh online in an thehlut a, Tawipui ‘S’ khua chiahin hming list a kimin an thehlut nia sawi a ni bawk. PM-KISAN atanga chhawmdawlna dawngtute hi an Bank Account-ah Central sawrkar atanga thunsak an ni a, amaherawh chu tun dinhmun ah Mizoram-ah he chhawmdawlna hi mi engzat chiah in nge dawng tih erawh hriat theih a ni rihlo thung.

Comments

Popular News (Last 30 Days)