Latest News

Hri leng zawh hnu hma-chhawn turin inpuahchah

Chief Secretary, Lalnunmawia Chuaungo chuan COVID-19 hrileng zawh hnu hmachhawn tura inpuahchahna leh ruahmanna sawiho tawh a nih thu leh ruahmanna pawh siam mek a nih thu a sawi.
Chief Secretary chuan thuthar thehdarhtute hnenah hripui len loh hnu a kal dan tur chung-changah hian thutawp siam a la nih loh thu a sawi a. Mizoram chu kalphung pangngai ngawt lo deuh state sum dinhmun ti sang turin tharchhuah ah a hlutna tihpun lam a pawimawh a ni, a ti. A tam thei ang ber Mizoram sum state chhung a chelh a ngaih thu sawiin, Mizoram tana chhenfakawm thei tur, economy a than theih nana tih theih chin te Mizo ngeiin an tih ve a pawimawh a ni, a ti a. Mizote chu laluttu ni ringawt lovin a thawn-chhuaktu ni tura tan lak a tul tawh thu pawh sawiin, a hlawkna Mizo ngeiin a tel tur a ni, a ti. Tunhma a la tih ngai loh tihdan thar dap tum anih thu leh chutiang a nih loh chuan tun ang reng a kal a rem tawh lo tih thu a sawi bawk.
Zawhna chhangin Mizoram Chief Secretary chuan State hrang hranga tangkhang mek te chhawmdawlna tur, Chief Minister Relief Fund atanga pek chhuah mekah, Mizoram mi leh sa ngei, Chakma te pawh in report te chu pe vek tura hriattir an nih thu a sawi a. CM Relief Fund chu Mizote tan chauh nilovin Mizoram mite tan a ni, a ti. Ramri dep biala hrileng avanga Chakma tlawmngai pawl duty te pawh an duty na hmun leh tute nge an nih tih te leh harsatna an neih te an in report chuan pek an nih tur thu CADC CEM hnenah a hrilh tih a sawi a, tun thlengin rawn in report an la awm lo tih a sawi bawk.

Comments

Popular News (Last 30 Days)