Prime Minister in rampum-a Chief Minister te a kawm

Prime Minister, Narendra Modi chuan nimin khan ramchhunga Chief Minister zawng zawng te biain COVID-19 do kawnga an hmalak dan tur te a sawipui.
He sawihona ah hian Prime Minister chuan state tinte chu Lockdown puan anih avanga an thlawpna avang leh COVID-19 darh zel tur venna atana an thawhhona ah te lawmthu hrilhin, khawvel thlirin he natna hri do kawngah hian hma ala eng lova, chuvang chuan ram thenkhat ah chuan a rawn thlen nawn leh te an rin thu a sawi a. Team pakhat anga State zawng zawng nen an thawkho thei chu lawmawm a tih thu a sawi bawk.
Prime Minister chuan kan ram-in a tum ber chu he natna hri leng avanga kan ram-a thi a tlem thei ber an awm a nih thu sawiin, chuvang chuan tunkar chho atang chuan testing, a vei hriat bula awmte zawnchhuah, mahni inkhunghrang leh quarantine te chu kan la tihtur pawimawh tak a nih thu a sawi a. Medical supply tul ang ang te a pawimawh thu sawiin, damdawi siamtu ten Raw Material a hmanrua an neih a pawimawh thu a sawi a. COVID-19 vei awmna damdawi In-ah damlo khung hran tur a nih bakah damdawi te an neih a tul thu leh Doctor a tam thei ang kan la mamawh thu a sawi a. State sawrkar te chu a tul phawt chuan AYUSH Doctor te kovin Online Training buatsaih a, Para-Medical Staff, NCC leh NSS volunteer te chu an tangkaina anga chhawr tangkai turin a chah bawk.
Prime Minister chuan Crisis Management Group chu District Level a siam a tul thu leh District Surveillance Officer ruat turin State hrang hrang Chief Minister te chu a chah a. PM-Garib Kalyan Yojana ruahmanna siam chhuah a nih dawn tak avangin bank a mipui pungkhawm an tam lutuk loh nan hmalak a ngaih thu a sawi a. Loneitute tan thlai chin hun a nih avangin sawrkar chuan Social Distancing tibuai si lova ruahmanna an siam a tul dawn thu a sawi bawk.
He hunah hian Chief Minister te chuan Prime Minister chu ram in harsatna a tawh mek laia a kaihhruaihna ah lawmthu an hrilh a. Huaisen taka Lockdown puan a nih avanga COVID-19 darh zel tur ven a nih dan te leh mipuite hnena inhrilhhriatna hrang hrang neih anih avangte in lawmthu an hrilh. Nizamuddin Markaz chungchang leh an hmalak dan te a sawi bakah he buaina sutkian nana an mamawh pawisa leh Medical chungchang te an thlen nghal bawk a ni.
Chief Minister te rawtna hrang hrang avanga lawmthu a sawi hnuah Lockdown a zawh hnuah Common Exit Strategy siam a ngaih thu Prime Minister chuan a sawi a, hemi tur hian inrawnkhawmna te lo nei tam turin a chah bawk. He hunah hian Prime Minister hi Union Defence Minister leh Health Minister bakah mi pawimawh ten an tawiawm a ni.

Comments

Chhiar Hlawhte