Home Minister in sawrkar hmalakna a tarlang

Home Minister, Lalchamliana chuan tunlaia COVID-19 leng mekah a Department enkawl te chuan chak taka hma an lak mek thu a sawi.
Nimin a mipuite hnena thuchah a siamah DM&R changtu ni bawk Home Minister, Lalchamliana chuan Mizoram sawrkar in COVID-19 hripui hlauhawm tak kan hmachhawn mekna atan hian Disaster Management & Rehabilitation atangin Rs. 4,28,03,200/- lai a seng tawh tih a sawi a. Quarantine Sample lakkhawm leh Screening atana thil tul atan Rs. 1,48,70000/- sengin, COVID-19 kai rinhlelh, Airport/ramri a lo check leh screening lo neihna atan leh lo chhuizui nan Rs. 54,40000/- leh COVID-19 beihletna tur thuam leina, Surgical Gloves, Fumigator leh Disinfectant leh PPE Kits lei nan Rs. 99,95,200/- hman a ni bawk tih a sawi.
Hei bakah hian Minister chuan District Disaster Management Authority District tinah quarantine facilities/Task Force puihna/Contact tracing atan avaiin Rs 1,24,98,000/- pek an ni tawh tih sawiin, Aizawl District-ah Rs. 27,10,000/- ; Lunglei District-ah Rs. 12,10,000/-; Siaha District Rs. 10,00,000/-, Champhai District-ah Rs. 12,00,000/-; Kolasib District-ah Rs. 12,10,000/-, Serchhip District-ah Rs. 7,30,000/-; Lawngtlai District-ah Rs. 14,55,000/-; Mamit District-ah Rs.12,90,000/- ; Khawzawl District-ah Rs. 5,56,000/-; Saitual District-ah Rs 5,86,000/- leh Hnahthial District-ah Rs. 5,51,000/- pek an nih thu a sawi bawk.
Home Minister chuan Lockdown kan tih mai, mahni In chhungkhur-a tawp kan tih chu Mizo te chuan kan zawm tha khat hle nia a lan thu pawh sawiin, tha taka zawm zel turin miputie chu a sawm a. “Hei lo hi invenna tur kawng dang kan neilo a, mahni in a tawp, Social Distancing, midangte nen a inhnaih lutuk a awmloh te, sawr-kar leh Local Task Force te thu awih hram hram turin mipui te ka chah leh a ni e,” a ti bawk.

Comments

Chhiar Hlawhte