Latest News

DoNER leh NEC hotute NE India dinhmun sawipui

Ministry of Development of North Eastern Region (DoNER) enkawltu Minister of State, Dr. Jitendra Singh hovin niminpiah khan Ministry of DoNER, North Eastern Council (NEC) leh NEDFi hotute chuan Video Conferencing kaltlangin COVID-19 in Hmarchhak a nghawng dan te, hemi atana an hmalakna leh ruahmanna te sawiho a ni a. Ram puma inkharkhipna kalpui mekah Hmarchhak chu a vil zui reng thu Minister chuan sawiin, Hmarchhak nghenga ramri boundary KM 5500 chuang chu khar vek a nih tawh thu a sawi bawk.

Ministry/NEC hian Hmarchhak State ten COVID-19 hripui dona kawnga chak zawka hma an lak theih nan cheng vbc. 25 a ruahman tawh a. He fund hi Untied Fund anga hman tura duan niin he sum hian COVID-19 dona a tih-chak beisei a ni a. He sum hi Ministry in hmar-chhak State-te tana Scheme leh Project kalpui mek tibuai lova sum a ruahman belh niin Assam in cheng vbc. 5, Arunachal Pradesh in vbc. 3.25 changin, Manipur, Meghalaya, Mizoram, Naga-land leh Tripura ten cheng vbc. 3 theuh leh Sikkim in vbc. 1.5 te an chang a ni.
Ministry hian hmarchhaka Health Infrastructure thuamthat nana Flagship prog-ramme an kalpui mek, NESIDS hnuaia ruahmanna siam tura State-te chahin, ruahmanna te chu April ni 6 aia tlai lova thehlut turin a hriattir a. Health Sector a project te chu ngaihpawimawh berah neiin an sanctioned vat tur thu an sawi bawk.
Ministry of DoNER leh a hnuaia pawl leh PSU - NEC, NEDFi, NEHHDC, NERA-MAC, CBTC leh NERCOMP a thawk te an nikhat hlawh chu PM-CARES ah an chhunglut a. NEDFi in an CSR fund atangin cheng vbc. chu 2 PM-CARES ah an pe bawk a ni.

Comments

Popular News (Last 30 Days)