ZMC enkawlna sum tarlang

Health Minister, Dr. R. Lalthangliana chuan Zoram Medical College, Falkawn enkawlna atan kum 2019-2020 chhunga sum mamawh tura chhutchhuah chu Rs. 8727,46,000/- a nih thu sawiin, kum 2019-2020 chhunga sum ruahman chu cheng nuai 8727.46 a nih thu a sawi.
Niminpiah-a Assembly inkhawm ah Serchhip bialtu MLA leh Palak bialtu MLA, KT. Rokhaw te zawhna intawm chhanga he thu hi sawiin Health Minister, Dr. R. Lalthangliana chuan kum 2019-2020 chhunga ZMC atana sum mamawh tura chhutchhuah chu Rs. 8727,46,000/- a nih thu leh kum 2019-2020 chhunga ZMC-in sum a hmuh tawh zat chu Rs. 8411,70,000/- a nih thu a sawi a, heng te hi State atangin Rs. 5117,28,000/- leh Central atangin Rs. 3294,42,000/- a ni tih a sawi a. Kum 2019-2020 chhunga ZMC tih hmasawnna atana pawisa ruahman chu cheng nuai 8727.46 a nih thu leh hmuh tawh zat chu cheng nuai 8411.70 niin cheng nuai 4989.96 hman anih tawh thu a sawi bawk. Health Minister chuan tun sawrkar kum-a sum la hmuh loh cheng nuai 316 chu tun Financial Year chhunga hmuh theih a nih dawn leh dawn loh sawi theih a nih loh thu sawiin, Zoram Medical College ti-a pawm a nih tawh thu a sawi bawk.
Health Minister chuan Zoram Medical College hmasawnna atan kum 2019-2020 Financial Year chhungin Mizoram sawrkarin hmalakna tam tak a nei tih pawh sawiin, a pawimawh zual, hnathawh mek engemaw zat a awm thu a sawi a, chungte chu - CT Scan Room siam; MRI Room siam; Surgical ICU leh ICU pangngai siam; Power supply changtlung zawk nei thei tura hmalak; Fire Fighting System siam; Medical College building sak chhunzawm; Boys & Girls Hostel sak chhunzawm; Paying Cabin siam; Dialysis Room siam; Vertical Extension of Hospital siam; CSSD siam; Mortuary building sak leh Animal House sak mek te an nih thu a sawi bawk.

Comments

Chhiar Hlawhte