A man to-a Gas hralh chungchangah hma la zui

Serchhip District Consumers Association chuan Gas man tihhniam a nih hnua a man to-a hralh a nih avangin a man a hniamna hi mipui ten an hmuh let theih nan hma lain tukin ah pawisa hi sem tura ruahman a ni.

Hemi chungchanga thu-chhuah an siamah Serchhip District Consumers Association chuan India sawrkar laipui chuan March 1, 2020 atangin rampum-ah LPG man chu bur khat zelah Rs. 53/- vel zelin a tihniam tih tarlangin, tunah hian Gas man hi bur khatah Rs. 965.53-970 vel a ni tih an tarlang a.

Hetihlai hian niminpiah, March 3, 2020 khan Serchhip Vengchung, Ramthlun leh Field Veng-ah Mizofed Serchhip in Gas chu a hmaa a man, bur khat Rs. 1025/- in an la hralh ni a hriat a nih thu leh Consumer Association-a complaint a rawn luh avangin hmalak nghal a ni tih an tarlang a. Hemi chungchangah hian nimin khan Mizofed hotute chu kawm nghalin anni pawhin he thil thleng hi lo hriain Gas man tur pangngai aia sang-a an lak hi an pechhuak leh nghal a, tukin-ah heng Veng hrang hranga Gas la te hnenah hian pawisa hi sem leh nghal tura ruahman a ni a. Hetianga a man pangngai tur aia to-a zuar te chu an hnena hriattir turin Serchhip District Consumers Association chuan an ngen bawk a ni.