Serchhip District-ah Infiamna hrang hrang neih tur thulh a ni

Mizoram State Sports Council (MSSC) in Sports Association hrang hrangte infiamna lama intihsiakna hun buatsaih rihlo tura a rih angin Serchhip-a infiamna lama inelna neih tura lo rua-hman tawh hrang hrangte chu thulh a ni.
Tarlan tawh angin Coronavirus leng mek avangin Mizo-ram State Sports Council chuan an hnuaia Sports Association hrang hrangte chu infiamna lamah Tournament leh Championship te buatsaih tawh rihlo tura hriattirin tuna Tournament leh Championship kallai te pawh entu awm lova kalpui tawh turin a ti a. Hemi ang hian Serchhip District Football Association chuan March - April thla chhunga Age Group leh Futsal Tournament neih tum chu kaltlangpui theih a ni dawn lo tih sawiin, hun remchang hmasa ah neih a nih tur thu an sawi.
Hetihlai hian Serchhip District Volleyball Association (SDVA) pawhin Mizoram State Sports Council, Mizoram Volleyball Association leh Serchhip District Sports Committee atanga lehkha an hmuh angin Serchhip District huamchhunga SDVA Organised leh Recog-nised Volleyball Tournament hmachhawp zawng zawng (Zone thlengin) Sawrkar atanga thuchhuak a awm leh hma chu engmah buatsaih lo tura hriattirna an tichhuak a, karleh lama Tournament huaihawt an lo tum pawh heng zingah hian a tel a ni. Serchhip District Wrestling Association pawhin nimin atanga District Championship buatsaih an tum pawh kaltlangpui lovin thulh a ni bawk.
Hetihlai hian Mizoram-a Volleyball lama inelna ngaihhlut hlawh, 2020 Pro Volleyball League khelh tura lo ruahman tawh pawh thulh a ni ta bawk a, tun thla ni 24 atanga 13th Mizo-ram Archery Championship neih tura lo ruahman tawh pawh thulh a ni bawk a. Tuna infiamna la kalpui mek thenkhat pawh entu awm lovin kal-pui a ni tawh bawk a ni.

Comments

Chhiar Hlawhte