Baktawng-ah In 3 kangral

Nimin tlai dar 2:30 vel khan Serchhip District chhung Baktawng leh Chhuanthar Tlangnuam ah chenna In pathum chu kangin bungrua thahnem tak a kangral.
Heng In kang te hi Chhuanthar Tlangnuam-a Sawithuami te kawmthlang lama an Vawkchaw chhumna atanga intan niin Sawi-thuami te In hi a kan hnuah an thenawm, Bak-tawng Vengpui lam-a Bualruma te In leh a thenawm leha Lalliana Sailo te In pawh a kangkai nghal a, a piah leha awm Rinzuala In chu tlem a kan hnuah helai hmuna awm ten thiat in kangmei hi an dangchat thei ta a ni. Heng In kang te hi Assam Type vek niin In hnuai lam pawh siamin Wokshop leh riahna atan te an hmang a, bungrua chuh hman loh in a kangral deuh vek a, mihring thi leh hliam erawh an awmlo thung. Vawiin ah khawtlang in kang bang senghawi hna hi an thawk dawn a ni.

Comments

Chhiar Hlawhte