Serchhip-ah Taekwondo Academy hawng

/
Serchhip District Amateur Taekwondo Association (SDATA) chuan nimin tlai khan Ser-chhip-ah Taekwondo Academy, Dojang/Kwan hawnna an nei a, SDATA in MATA Award-2019 an lak lawmna neih nghal a ni bawk.

Serchhip Indoor Stadium-a SDATA Dojang/Kwan hawnna nimin chawhnu-a neih hi SDATA Sr. Vice President leh Technical Board Chairman, K. Lalmuanpuia chuan kaihruai in Serchhip District Sports Committee Chairman, K. Tlangthanmawia chuan SDATA Dojong/Kwan hi a hawng a, SDCA Chairman chuan Serchhip District in Taekwondo ah infiammi leh hruaitu tha tak tak a nei chu lawmawm a tih thu sawiin, Taekwondo khel thin te chuan hruaitu ten an tana hlawkna tur awm tawhlo chunga thahnem ngai taka an thawhna chu hriatpui tura a duh thu a sawi a. Kumin ah Mizoram Amateur Taekwondo Association (MATA) hnuaia District tha ber lawmman SDATA ten an dawng chu an lawmpui thu sawiin, tuna Academy hawn a nih hnuah phei chuan hlawhtlinna tam zawk an neih a beisei thu leh Serchhip District khua ti hmingtha zeltu an nih a beisei thu a sawi bawk.
He hunah hian Anthony Lalneihmawia, General Secretary, SDATA chuan Technical Report pein kum 2005-ah Serchhip District Amateurs Taekwondo Association hi dinin, hmun hrang hranga Training an neih thin chu hmun khat-a Training neih ho thaa an hriat avangin hetiang hian Academy (Dojang) hi hawn a nih tak thu a sawi a, he Dojang enkawl tur hian Lalramdin-thara, Black Belt chu Instructor atan ruat ni bawk.
MATA Award 2019 lawmna neih a ni :
Nimin a Serchhip District Amateur Taekwondo Association (SDATA) Academy hawnna neih zawh a nih hnu hian Mizoram Tae-kwondo Association (MATA) hnuaia Serchhip District Amateurs Taekwondo Association (SDATA) ten 'MATA Award 2019' (Best District Association of the Year 2109) an dawn lawmna neih zui a ni a. SDSC Office, Serchhip Indoor Stadium building-a MATA Award 2019 lawmna hi SDATA President, Vanlalhruaia chuan kaihhruaiin SDATA-a Sr. Vice President, K. Lalmuanpuia chuan he Award buatsaih a nih dan leh Serchhip District in he chawimawina a dawn dan te a sawi a, kawng hrang hranga Mizo-ram-a District hrang hrangte  hmalakna te lakkhawm a nih hnuah he chawimawina hi Serchhip District in a dawn theih thu a sawi a. Serchhip District chhungah hian Taekwondo-ah Black Belt mi 17 an awm mek thu a sawi bawk.
Nimin a he hun hmanna ah hian Serchhip District Sports Committee Chairman, K. Tlang-thanmawia leh Vice Chairman, Lalremruata Ralte te chuan lawmpuina leh fuihna thu an sawi a, MATA Award semna a Taekwondo Club tha bera thlan, Exodus English School, Aizawl te chuan item chi hrang hrang entirin hun hman zui a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »