Latest News

Oil khuahkhirhna siam

Tunhnaia ramri-a buaina thleng avanga POL Supply khaihlak thei dinhmuna kan din tawh avangin Serchhip District Bawrhsap chuan Serchhip District chhunga Filling Station ten POL pekchhuah dan khuahkhirhna a siam a. Hei hi Supply Department Director in Order alo siam tawh behchhana siam niin he ruahmanna aia tam hian POL hi pekchhuah tur ni lovin Bur-a dawh phal a ni lo bawk. Hei bakah hian Filling Station neitute chuan Petrol hi litre 2500 leh Diesel hi litre 4000 a awmin DCSO hnenah hriattir tur a ni bawk ang.

Sawrkar thar-ah Permit pekchhuah la awmlo

Transport Minister, TJ. Lalnuntluanga chuan MNF in sawrkar a siam hnuah 2 Wheeler Taxi Permit pek a la ni lo tih a sawi.
Nimin-a Assembly inkhawm zawhna leh chhanna hunah he thu hi sawiin Transports Minister, TJ. Lalnuntluanga chuan, Transport Minister dinhmun a luah tirh atangin 2 Wheeler Taxi Permit dilna a tam thu te, an party Office Hnam Run thlenga sawi an awm thu te, amah chu a Officer te hneh lova a ruka Permit pechhuak ang te-a sawi an awm thu a sawi a. 2 Wheeler Taxi Permit pekchhuah erawh an la neih loh thu leh Permit pekchhuah chungchang chu sawihona an la neih loh thu a sawi bawk.
Lirthei khu endik dawnin lirthei khawih danglam a awm thin em tih zawhna chhangin Minister chuan, lirthei endik dawnin Pollution Certificate neih a ngaih thin thu a sawi a, tuna an endikna chu Manual chauh a nih avangin duhthusama endik theih a nih loh thu a sawi a, Road Transport Ministry leh Central Institute of Road Transport tangkawp puihna in Automated Inspection and Certification Center chu Hlimen-ah din tum a nih thu sawiin, he kawl hian lirthei khawl chhung thlengin a endik theih avangin tihpuitlin theih anih chuan harsatna awm thin chu sutkian theih a beisei thu a sawi bawk.

Comments

Chhiar Hlawhte