Ramri chinfel tum dan puang tura innawr chi a ni lo - CM

Sawrkar in ramri chinfel a tum dan puang tura in tur chi a ni lo tih Chief Minister, Zoramthanga chuan a sawi.

Nimin-a Assembly Budget Session zawhna leh chhanna hunah Chief Minister chuan, ramri-a buaina chu Assam nena buaina nih thu a sawi a, buaina a lo chhuah chuan ei leh bar lakna kawngah harsatna Mizoram in a neih nghal thin avangin sawrkar kalta zawng zawng te pawhin an tih duh pawh an ti hlei thei lo thin a ni, a ti a. Ei leh bara inbuatsaih lawkna awm lova hmalak thinna chu tunhmain a lo awm tawh thin a, hetihlai hian ramri chinfel dan tura sawrkar hmalak dan tur chu lo puan lawk vak chi a ni lo a, puang tura in nawr chi pawh a ni lo tih a sawi.  Hemi hmalam hian ramri chinfel dan an hre tawh tih Chief Minister in a sawi chungchanga Congress Member, Zodintluanga zawhna chu Home Minister, Lalchamliana chuan chhangin, ‘Chief Minister in ramri chinfel dan tur kan hre tawh a, sawi chi ala ni lo’ a tih chu ala zawh bik loh thu in a chhang a ni.

Hei bakah hian Home Minister chuan Mamit-ah 4th IR Headquarters tih ngheh tumna leh tumlohna a awm loh thu a sawi bawk.