Latest News

MNF in Aizawl-ah Mizo National Day an hmang

MNF Party chuan nimin khan Aizawl Mizo Hnam Run-ah MNF in Independence an puanna ni, Mizo National Day vawi 54-na an hmang a, he hunah hian Martar te sunna hun hman a ni bawk.
Nimin-a Mizo National Day pual-a inkhawm ah hian MNF President leh Chief Minister, Zoramthanga chuan March ni 1, 1966-ah khan eng vanga Independence puang nge an nih tih thangthar zawk ten an theihnghilh hlauhawm a tih thu sawiin, “India siam a nih lai khan kan tel ve lo a, North East hrang hrang te, Kashmir-te thleng khuan inhre ngailo kha India-ah min chhungkhawm a. India Constitution Preamble kha India chhul lo pianna chu a ni a. Eng ang chiahin nge India kan nihna hi sawifiah a har a, Peace Talk kan neih lai pawh khan eng ang tak hi nge India kan nihna tiin kan zawt a, 'History-in a telhna a rei tawh che u' min ti ringawt mai a ni. Kan tel ve dan hi i sawifel ang u kan ti a. Kan inbuatsaih ve ta a, a lehlam lehlam hreh chung chung kha loh theih lohna avangin inkahnaah kan luh phah ta a ni,” a ti. He hunah hian MNF President chuan SEDP chungchang pawh sawiin, “NLUP kha chu chawfun sak ringawtin an thawh tur lam an ngaihtuahpui lo a, keini chuan a thawh tur lam kan ngaihtuahpui tel nghal a ni. SEDP hi chu an mamawh ang zelin kan kalpui dawn,” tiin nakin-ah chuan sawrkar hnathawk, a tak taka thawk turte pawh SEDP hi an la huam tir dawn tih a sawi bawk.

Comments

Popular News (Last 30 Days)