MSU hruaitu ten Chief Minister an kawm

Mizo Students’ Union (MSU) General Hqrs. hruaitute chuan nimin khan Mizoram Chief Minister, Zoramthanga chu a Office-ah hmuin ram leh hnam tan leh zirlaite hmasawn theihna tur hrang hrangte sawipui.

Chief Minister an kawmna hunah hian MSU General Hqrs. hruaitute chuan Mizoram chhunga sawrkar College hrang hrangten Admission Fee atanga revenue an chhun thin chu tihtawp a nih theih nan hmala tura rawtna thlen a. College Development Fund atana hman a nih theih nan leh tangkai zawka hman anih theih nan College in sawrkar-a Revenue a chhun thin hi tihtawp a tul thu sawiin, Chief Minister pawhin hmalak nghal anih tur thu MSU hruaitute hi a lo hrilh a ni.

MSU chuan Mizo zirlaite'n khawvel zau zawk inelna kawnga hmasawnna a awm theihnan Computer Based Online Exam Centre, tuna Mizoram-a kan neih mek in Mizo zirlaite leh thalaite mamawh a phuhruk zawh loh avangin din belh a nih theihnana hmalakpui tura a ngenna bawhzui nghal a ni leh ICT Department Minister chu ruahmanna lo siam nghal tura ngen sak a nih avangin sawrkar chungah lawmthu an sawi a. Mizoram ramri te a lo him zawk theihnana Mizoram ramri hmun hrang hrangah check post mumal taka siam anih theihnana hma la tura an ngenna pawh ngaih pawimawh niin hmalak nghal a nih tur thu sawilan a ni bawk.

Heng bakah hian Mizoram zirnna In hrang hranga Mizo hnam lam leh zaite uar zawka in zirtirna hun siam a nih theihnana hmala tura an ngenna bakah Mizoram zirnna In hrang hranga Physical Instructor dah tura an ngenna pawh chak taka bawhzui sak anih tur thu MSU hruaitute hi lo hrilh niin, lawmawm an tih thu MSU chuan an sawi bawk.