MSSSB Chairman duhlohna lantir mek thu ah MSU leh MSSSB ten inremna an ziak

Mizo Students’ Union (MSU) General Hqrs. chuan Mizoram Subordinate Service Selection Board (MSSSB) chu politics a inchirhthehna lak ata a fihlim zel theih nan a enzui reng dawn tih an sawi.
Mizo Students Union (MSU) General Hqrs., Aizawl chuan MSSSB Chairman atana Politics a inhnamhnawihna nei nia hriat an ruat chungchang ah MSSSB Chairman chu a Pisa luah lo tura an ngen hnuah Mizoram thalai leh zirlaite thlavang an hauh zel dawn tih an sawi a. Hemi chungchanga hma an lakna kalzelah nimin, March 13, 2020 khan MSSSB thuneitute nen inbiakna neiin, MSU chuan MSSSB chu Zoram thalai hna zawng mekte tan a function vat tul an tih avangin inremna ziakin MSSSB chu politics a inchirhthehna lak ata a fihlim zel theih nan an enzui reng dawn tih an sawi.
Nimin-a inremna an siam ah hian “Mizoram Subordinate Service Selection Board (MSSSB) hi sawrkarin a din ang ngeiin post hnawhkhah tur te, Promotion Case ngaihtuah tura a ruat chungchangah te dan leh hrai (Rules & Regulations) hi strict taka kengkawh turin hna a thawk zel ang,” tiin, “MSSSB hnuai Post ruak hnawhkhah tur reng reng chu felfai takin Advertisement chhuah a ni anga, Dan-in a phut angin takin exam a buatsaih thin ang. Written result felfai takin a ti chhuak thin ang. Mizoram sawrkarin MSSSB hnuaia hnalak hrang hrangte inkaihhruaina dan a siam (Guidelines for conduct of Examination) chu tha taka zawm a niin Written Mark zat leh Interview Mark weightage (87.5 : 12.5) chu felfai taka tarlangin, Interview Mark (40-80) chu dik takin a keng tlang ang. Hna lak chungchang ah hian Dan in a phal ang zelin RTI hmanga phochhuah leh entheih rengin engkim felfai takin a kalpui ang,” tih te a tel bawk.
Hei bakah hian inremna an ziah ah hian MSSSB chuan tha tak leh felfai taka hnalak a kalpui theih nan MSU chu thawhpui a inhuam reng thu leh thil fello leh diklo a awm a nih chuan MSU nen a tul angin Mizoram thalai leh zirlaite tan hma an la ho zel dawn tih te pawh tarlangin, he inremna ah hian MSSSB Chairman, Lalrammawia leh MSU President, Vanlalliana Khiangte te'n hming an ziah hnan a ni.
Hemi hnu a thuchhuah an siama MSU chuan Mizo thalai hna zawng mekte leh zirlaite chu MSSSB hnalak tur chungchanga induhsak bikna awm thei thil hrang hranga hlauthawnna awm chu dah bo tur leh theihtawp chhuah a kan Ram leh Hnam tan thiamna paw chhuak turin an chah tih an tarlang a. Thil felhlel leh lungawilohna a awm anih chuan MSU chu zirlaite tan a ding zel dawn tih an tarlang bawk.

Comments

Chhiar Hlawhte