Veterinary, Fishery & Sericulture Board thukhawm

Socio Economic Development Programme (SEDP) kalpuina atana ruahman, Veterinary, Fishery & Sericulture Board chu nimin khan an Chairman, AH&Vety Minister, Dr. K. Beichhua a hovin a Pisa-ah an thukhawm.
Veterinary, Fishery & Sericulture Board thutkhawm ah hian Dr. K. Beichhua chuan SEDP in a tum pawimawh tak pakhat chu mipui te eizawnna puitling an nei thei nan leh chhungkua te an dinchhuah thei nana ruahmanna siam sak leh tanpui pek a ni, tiin Veterinary, Fishery & Sericulture Board chu Board pawimawh tak, huang zau tak nei anih thu a sawi a. SEDP hnuaia Mamit District a Pangang khawitu beneficiaries mi 300 leh Mizoram pumah ranvulhtu mi 620 thlan te chu March thla ralhma in tanpuina an dawn tur ang an dawn ngei thei nan ruahmanna kalpui mek a ni, a ti.
Meeting-ah hian Sericulture Department hnuaia SEDP hmalak dan tur te, Animal Husbandry & Veterinary Department in hma an lak tawhna chin te leh Fisheries Department in hma an lak dan te an thlirho a. Baseline Survey a rang lama tihfel nise an ti a, Department pathum ten a hma lama Survey hi peihfel tura hrilh an ni bawk.
NERTPS hnuaia Mamit District a Sericulture Department hmalakna in nikum khan Pangang khawitu beneficiaries mi 200 tanpui an ni tawh a kumin March thla ralhma ngeiin Mamit District ah tho NERTPS chu SEDP nen thlunzawm in Pangang khawitu beneficiaries mi 300 te chu tanpui pek an ni leh dawn a ni.
AH&Vety Department hnuaiah SEDP Pilot Project atan Mizoram pumah ranvulhtu mi 620 thlan an ni tawh a. Heng mite hi – Pig Fattener Unit, Piggery Unit, Broiler Farming Unit leh Rural Backyard Poultry Farming-ah te then an ni a, Beneficiaries 620 te hi Instalment hnih in tanpui cheng nuai 3 an dawng dawn a ni.

Comments

Chhiar Hlawhte