Larsap in AROGYA Mela (Health Fair) a hawng

/
Ayush Damdawi hmanga inenkawlna leh inzirtirna Kut, AROGYA Mela (Health Fair) chu Mizoram-a a vawi 5-na atan nimin khan Dawrpui Multipurpose Centre-ah neih tan a ni a, he Mela hi Mizoram Governor, PS. Sreedharan Pillai chuan a hawng a ni.
Ministry of AYUSH, Govt. of India buatsaih tun thla ni 7 thleng neih tur AROGYA Mela hawnna hunah hian Governor Sreedharan Pillai chuan, India ram state lian zawkah te chuan AYUSH damdawi an hman nasat thu leh India ram Prime Minister pawhin theihtawp chhuaha a chawilar thu sawiin, Mizo-ram-ah AYUSH damdawi hmanga hriselna kawnga hmalakna ah theihtawp chhuah a in huam thu a sawi a, Mizo mipuite chu AYUSH damdawi hmang tangkai tur leh he Health Fair-a tel turin a sawm bawk a ni.
He hunah hian Health Minister, Dr. R. Lalthangliana pawhin Pathian in kan rama ram-hnim damdawi tha tak tak a dah te haichhuak turin District tinah Awareness neih a pawimawh zia leh he AROGYA Mela hi chumi atana prog-ramme pawihmawh tak anih thu a sawi a. India ram-a Medicinal Plants a pakhatna ni thei tura project a thehluh te a hlawhtlin theih nana AYUSH Ministry-ah rawtna a thlen tawh tih sawiin, hei hi nawr reng a nih thu leh Central Sawrkar hotute dawr kawngah hma la chhunzawm turin Governor pawh a ngen tel bawk a. Mizoram Sawrkar pawhin Ayush inenkawlna a ngaih pawimawh em avangin Directorate hran pawh nikumah din a ni tawh tih a sawi bawk.
AROGYA Mela (Health Fair)-ah hian Stall 19 hawn a ni a, Ministry of AYUSH, Govt. of India atangin Council pasarih leh Mizoram chhung atangin mimal leh Department hrang hrang 12 ten an thilsiam chhuah leh ramhmul damdawi hrang hrangte an phochhuak a ni.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »