CSR Fund atangin Anganwadi te bungrua sem

Siaha District in Bharat Petroleum Corporation Limited (BPCL) te Corporate Social Responsibility Fund an hmuh atangin nimin khan an District chhung Anganwadi Centre hrang hrang 126 te hnenah bungrua chi hrang hrang semchhuah a ni.
Bharat Petroleum Corporation Limited (BPCL) te Corporate Social Responsibility Fund atanga Siaha District in an District chhung Anganwadi Centre 126 te tana bungrua an semchhuah te hi Tuizem (litre 2000 dawng), Dawhkan, Chair 7, Book Shelf, Water Filter leh White Board te a ni.
Nimin-a heng bungrua semchhuahna puala inkhawm hi Siaha DC’s Conference Hall-ah neih a ni a, he hunah hian Siaha DC, Bhupesh Chaudhary IAS chuan an District chhunga Anganwadi Centre hrang hrangte dinhmun a en ah Furniture chu sawi loh, tui thianghlim in tur takngial pawh a awmlohna te a awm tih sawiin, “Kan harsatna te chu BPCL te hnenah thlenin, an ni in kan ngenna te chu min ngaithlak sakin, tanpuina cheng nuai 47 lai min pe ta a ni,” a ti a. Anganwadi Centre te chu naupang ten zirna bakah chaw tha (good nutrients) an dawnna tur a ni tih sawiin, Nu naupai leh Nu naupawm te tan pawha chaw tha an dawnna tur a ni bawk tih hria chutiang tura hna an thawh theihna atan mipui mimir pawhin an ngaihven leh a tulna apianga hma an lakpui a tul thu a sawi bawk.

Comments

Chhiar Hlawhte