Latest News

Aizawl-ah Power Walk kawngzawh neih a ni

National Commission for Women, New Delhi bultuma India ram State hrang hrangah Power Walk neih a nih angin nizan hmasa khan Mizoram-ah pawh Power Walk hi neih a ni.
National Commission for Women-in Power Walk an huaihawtna chhan hi hmeichhiate dikna leh chanvo humhalhna atana hmalakna pakhat a ni a. Kan khawpui kawtthler te hmeichhia awmnem zawk tana himlo a awm fo thin a. Chuvangin kan kawtthler te hi mipa tan chauh ni lovin hmeichhiate tan pawh niin, khawthim hnuah hmeichhiate pawhin thlamuang taka zawh ngam a nih theihna turin hmeichhia-in auchhuahpui se, Eizawnna avangin hmeichhiate pawh zan lamah chhuah a tul fo tawh a, ngaihngam tak leh thlamuang taka kan khawpui kawtthler te hmeichhiate tana hmun ralmuang a nih theihna tura aw chhuahna tura he kawngzawh hi neih a ni.
National Commission for Women-in in Power Walk neih hun tura a ruahman chu Pathianni zan a nih avangin Mizoram State Commission for Women chuan a zawm ve thei lova, hei vang hian Thawhtanni zan-a hun hman dilin remtihsak an nih angin hun hi hman a ni a. Most Rev. Stephen Rotluanga, Bishop of Aizawl-in Millenium Centre-ah Pathian hnena hlanna neiin kawngzawh tan a ni a, a tawp kharna pawh Vanapa Hall kawt-ah malsawm tawngtaina-in a tin nghal bawk a ni.

Comments

Popular News (Last 30 Days)