Latest News

Supply Minister in Zophai tlawh

Food, Civil Supplies & Consumer Affairs Department Minister, K. Lalrinliana chuan nimin khan Bairabi Zophai-a Mosque an sak mek chu a tlawh a.
Minister chuan helai hmun lo awm te chu kokhawmin, Mosque sak mekna hmun chu Mizoram chhung a nih avangin kawng engkim ah Mizoram Sawrkar thuchhuak chauh ngaichang \hin tur leh lungawi loh avanga kawngpui dang tawh lo turin a hrilh bakah Mizote tana harsatna siam tawhlo turin a hrilh a. Mizoram chhung anih vangin ILP neilo tan Mizoram chhungah awm theih a nih loh thu leh ILP an neih loh avang a harsatna an tawk a nih pawhin anmahni thiamloh a nih tur thu hrilhin, buaina awm thut pawh a che-chhuak nghal mai thei turin IR platoon khat nizan hmasa a\ang khan Zophai-ah hian dah a ni bawk.
Supply Minister hian Covid-19 vei Mizo-ram chhung lo lut an awm leh awmloh enfiahna Bairabi a mi chu a tlawh nghal a, Covid-19 laka mipuite an him theih nan sawrkarin theihtawp a chhuah tih sawiin, Bairabi Rail Station-a khualzin te endikna hmun tur pawh a tlawh a, thawktute hian harsatna an tawh te an lo thlen bawk a ni.

Comments

Popular News (Last 30 Days)