Swachhta Pakhwada hman dan tur Serchhip-ah rel a ni

Nimin khan District Task Force on Mahila Shakti Kendra chu Bawrhsap Pisa ah Addl. DC, Chuauhnuna hova thukhawmin Swachhta Pakhwada (Cleanliness fortnight), 2020 hman dan tur an rel.

He thutkhawm Bawrhsap Pisa-a neih ah hian Denny Lalchhuanawma, SDC, Nodal Officer chuan sawi hawnna neiin, Swachh Bharat Mission Shakti hnuaiah Swachh Pakhwada (Cleanliness fortnight), 2020 hi March 1, 2020 atanga March ni 15, 2020 chhunga hman turin Ministry of Women and Child Development, Mahila Shakti Kendra in ruahmanna a rawn siam anih thu leh hemi atana ruahmanna awm te a sawi bawk.

Swatchhta Pakhwada (Cleanliness fortnight) hi chawlhkar 2 chhung hun hman tura ruahman anih angin Serchhip-ah pawh hman ve nise tiin he Meeting hian an rel a, Chawlhkar 1-na ah hian Swachh Bharat Mission Pledge chu sawrkar Department Pisa zawng zawngah sem-chhuakin, lo chhiar vek tura ngen nise; Cleaning Drive leh Office hnathawk ten faina chungchanga sawi duh an neihte sawihona nei turin Department zawng zawng ngen nise an tih bakah khaw-chhunga vantlang inthiarna awmte enfiah nise tih a ni bawk a, enfiahtu turte pawh ruat nghal an ni bawk a ni. A chawlhkar 2-na ah hian Poshan Abhiyan, Serchhip Block nena tangkawpin hmalak nise tiin ruahmanna siam a ni bawk.