MZP te hmalakna MPC Thalai ten an thlawp

MPC Thalai General Hqrs. chuan Mizoram Lok Sabha MP, C Lalrosanga'n Citizenship Amendment Bill (CAB) thlawp zawnga Vote a pek an duh lohzia lantir nana MZP ten pawndum sin-a an lo hmuak chu awm an tih thu leh an thlawp thu an sawi.
Nimin a thuchhuah an siamah MPC Thalai chuan CAB in Mizoram a huam ve dawnlo anga insawi thlamuanna chuan CAA thiltum in Mizo hnam leh kan kristianna a dimdawi bik thei dawn chuanglo tih pawh ngaihtuah duh lova, BJP mitmei venna avanga C. Lalrosanga’n CAB support zawnga ke a pen chu Mizo Hnam phatsanna lian takah an ngai reng tih an tarlang a. He CAB/CAA hi India Danpui kalh, sakhaw thleibik nei Bill nia sawiin, hei vang ngawt pawh hian a bikin Kristian MP te tan phei chuan thlawp chi loh hul hual a ni tih an sawi a.Kristian ram a\anga kan MP neih chhun in CAB tihpuitlin nana ke alo pen ve mai chu Mizo hnam ang pawhin a mualpho thlak an tih thu an tarlang. Hei bakah hian MPC Thalai chuan MZP ten kan Ram leh Hnam pilbo phal lova ram leh hnam hmakhua ngaia kan MP, C. Lalrosnga an demna chu amah, C. Lalrosanga ngei pawhin in ngaihtuah harh nan hmanga, Mizo Hnam tana alo tihsualah hian thupha chawia inlamlet tura an phut thu an sawi bawk.

Comments

Chhiar Hlawhte