Kolasib-a Electoral Roll enfiah hna enpui

Electoral Roll Special Summary Revision neih meka Kolasib District tana Observer, Lalthangpuia chuan Kolasib tlawhin an hmalakna te a enfiah.
Kolasib DC Conference Hall-a Electoral Roll Revision chungchang sawihona hunah hian Electoral Roll Observer, Lalthangpuia chuan January ni 15, 2020-ah Electoral Roll Revision Draft E-Roll tichhuak hman turin Election Commission of India in a phut thu a sawi a, hemi ni hma ngei hian Electoral Roll a thihna avangte, pem avangte a paih ngai leh kum 18 tling thar ziahluh ngai te chu siam fel vek turin a chah a, ECI kalphung hnuaia form hrang hrang awm te hmelhriat chiang a a hman dan tur tak a hmang zel turin a chah bawk.
Kolasib Election Officer, Vanlalchhuan-awma Chawngthu kaihhruai he hunah hian he District Election Officer, Sangchhin Chinzah chuan Elector Roll siamthat leh ennawn kalpui mek ah hian khawtlang leh tlawmngai pawl hrang hrang a hruaitute an pawimawh thu a sawi a, Electoral Roll siamthat hun hawn lai ngei a a tul anga siamfel ngai te siam a Electoral roll felfai leh rintlak buatsaih kawng a thawhhopui ah a sawm nghal bawk.
Kolasib District-ah hian Assembly Constituency pathum (3) awmin Polling Station 82 awmsa bakah a thar 5 siam tura ruahman niin a vaiin 87 awm tawh tura ruahman a ni a, kum 2011 chhiarpui ah Kolasib District-ah mihring 83,955 awmin Draft Roll thar  ber ah chuan mi 58,794 an awm bawk a. Hemi atanga chhut hian mi 70.03% in vote an nei ang a ni. Population Projection data a awm loh avangin Projected Population atanga Vote nei zat erawh a hriat loh thung. Kolasib District chhunga Polling Station tin deuhthaw ah hian Mipa aiin Hmei-chhia an tam zawk deuh vek bawk a ni. Hei bakah hian Kolasib District chhunga Vote nei te hi EPIC pek vek an ni tawh bawk.

Comments

Chhiar Hlawhte