Home Minister in MAP hmunpui a tlawh

Zonuna Kawlni /
Home Minister, Lalchamliana chuan nimin-piah khan Aizawl Mualpui-a 3rd Battalion Mizo-ram Armed Police (MAP) leh Armed Veng-a 1st Battalion Mizoram Armed Police (MAP) hmun hma tlawhin Police hotute nen inkawmna an nei.
Heng MAP hmun pahnih a tlawhna ah hian Home Minister, Lalchamliana chuan Police te chu mipuite thian niin, mipui rawngbawltu leh puitu an ni a, a tulna apianga che thin an ni, a ti a. Ram ralmuanna venghimtu an nih avangin mipuite rinngam an nih a pawimawh thu sawiin, rilru taksa leh thlarau hriselna an ngaih pawimawh a tul thu a sawi bawk.
Home Minister chuan Home Department in hmasawnna a neih hrang hrangte sawiin, Emergency Response Support System (ERSS), Mizoram Police Safety Act, 2011, All Women Police Station, Aizawl leh Lunglei Police Station hrang hranga CCTV dahte leh Tourist Police te leh thildangah te pawh hmalak mek zel a nih thu a sawi bawk.
Home Minister, Lalchamliana hian State dang atanga lokal Police te thlenna Barrack, Mess te, Police Firing Range siamthatna tur leh kawng siamna te a hmunah enfiahin, LH. Shan-liana, IGP (L&O) & DGP (I/C) leh Police Senior Officers dangte’n an tawiawm a ni.

Comments

Post a Comment

Popular News (Last 30 Days)

C&I Minister in hmanpui

Zonuna Kawlni /
Commerce & Industries Minister F. Roding-liana chuan nimin khan Industrial Growth Centre, Luangmual-ah ZOPA Concrete Block Industry hawnna hun hmanpuiin Industry la din zel turte pawh sawrkar chuan puih a huam reng tih a sawi a. Mizote’n kan ramchhunga siam, kan mamawh em em, Mizo siam dik tak Cubic lung kan ban phaka a awm tawh tur chu a ropui hle tih sawiin, hlawhtling tur chuan taimakna leh tih tak takna rilru neih a tul thu a sawi bawk.
Kimchang zawkin »