Dan lova lolut dapchhuak turin sawrkar phut

MZP chuan kumin atan Aizawl-a an Office chu nimin khan an hawng leh ta a, kumin atana an Office hawnna hunah hian MZP President, B. Vanlaltana chuan State dang atanga dan lo a lo lut Vai, Chakma leh, Tuikuk te dapchhuah hna thawk turin Mizoram sawrkar chu an phut thu a sawi.
Nimin-a MZP Office, MZP Pisa Pui hawnna hunah hian MZP President, B. Vanlal-tana chuan MZP te hian Pisa Pui hi khar thin mah se Ram leh Hnam tana chet a ngaih hunah chuan an inhawng reng thin tih a sawi a. Kum-thar 2020-ah ngaihtuahna thar leh inpekna thar nen kan ram, kan hnam leh kan tu leh fate tan intuai thar tur leh, kan hmaa tih tur awm te huaisen taka ti zel thei tura an inbuatsaih a ngaih thu a sawi.
MZP President chuan Citizenship Amendment Bill (CAB) chu pass a ni ta tih sawiin, “CAB/CAA kan dona kawngah nasa takin MZP in beih kan tawk a. MZP hmalakna hi a dik a ni tih hi a chiang,” a ti a, “He Citizenship Amendment Act (CAA) hian kan State min huam lo ti mahse kan thenawm State-ah hman anih chuan kan state tan, kan hnam tan a him chuang lova. Kan Sawrkar hi State dang atanga dan lo a lo lut Vai, Chakma leh Tuikuk te dap-chhuah hna thawk turin kan ngen a ni,” a ti bawk.
MZP General Hqrs. hian nimin vek khan Executive Meeting nei nghalin Citizenship Amendment Act 2019 chungchang a MZP hmalak tawhna chu tha an tih thu an sawi a. Supreme Court-a Hearing neih a nih zawhah hmalak chhunzawm leh nise an ti bawk. Hei bakah hian Mizoram pum huap ILP check runpui neih tha an tih thu pawh sawiin, Mizoram chhungah ILP System tha zawk hman anih theih nan chak zawka hma la turin sawrkar chu an ngen tih an sawi bawk.

Comments

Chhiar Hlawhte