Sports Minister in Directorate of Sports & Youth Services Building thar a hawng

Sports Minister, Robert Romawia Royte chuan nimin khan Aizawl-ah Directorate of Sports & Youth Services Building thar hawngin Office staff ten hun vawng dika phur tharnan leh \anlak lehzual nan hmang se a duh thu a sawi.
Aizawl Khatla-a Directorate of Sports & Youth Services Building hawnna hunah hian Sports Minister chuan kum 33 chhung zet mahni puala building nei lova mi In luahlawra lo awm \hinin Building thar \ha tak an nei ta chu lawmawm a tih thu sawiin, a thawktu zawng zawngte bakah infiammite leh Sports Associations te tan pawh lawmna tur a nih thu a sawi a. Chief Minister Zoramthanga kaihhruai sawrkar chu Manifesto-a ding tlat, a hmatiam ti hlawhtling zar zartu a nih thu sawiin, “Kan intiam angin Mizoram Sports Policy kum khat chhungin kan peihfel, Zu zawrh kan titawp a, Sikul kai hun kan Hnam milin kan thlaklet a, District thar pathum a takin a function mup mup tawh a, Vehicle Tax kan siam\ha a, Khawvel Zofate insuihkhawm nan hma kan la a, leilung piantirh ata a vawikhatnan budget-ah sum pawh MNF sawrkarin kan dah. Corruption dotu- Lok Ayakta a takin kan din fel a; a \ul chuan Chief Minister, Ministers leh Chief Secretary tepawh ama thuin a chhuiin a hrem thei a ni,” a ti a. Reilote chhungin Motor kawngpui hrang hrangte siam\hat mek a nih thu sawiin, Central Schemes lian leh Foreign Funding a takin Mizoramin a chhawr \an mek ta tih a sawi bawk.
Sports Minister chuan Mizoram Sports Policy thar hlawhtlinna a lan \an mek thu pawh he hunah hian sawiin, kum khat chauh an sawrkar chhungin Football Fields 13-a Phullem phahna tur sanction tihfel a nih tawh thu te, Badminton Court 6 zet lenna Standard Hall lian pakhat leh Hockey Astro Turf Ground pakhat siamna tur pawh sanction tihfel a nih tawh thu a sawi a. Khawthlang lamah Hall lian ala awm ve loh avangin Mamit-ah Multi Purpose Indoor Hall lian tham tak sak \an mek anih thu pawh sawiin, Dawrpui Indoor Basketball Court-cum-Music Centre sak \an mek pawh ‘|halaite mamawh chhanna dik tak’ ni tura a ngaih thu a sawi a. A Department chan dang ICT hnuaiah Mobile Phone signal a \hat theih nan hmalak a nih thu leh Tourism Department hnuaia hmalakna hrang hrangte pawh a sawi bawk.
Directorate of Sports & Youth Services Building thar hawn tak hi NEC sum cheng nuai 1040.42 senga sak niin he hna thawk tura thlan, Lushai Engineers te chuan December, 2016 khan an thawk \an a ni. Building hi chhawng riat-a sak niin Recreation Hall, Museum, Gym, Motor parking zau tawk tak leh Conference Hall mi 150 \hut theihna dah a ni a. Scouts and Guides, NCC leh NSS te tan Room dah a ni bawk.

Comments

Chhiar Hlawhte

Serchhip-a YMA Branch hrang hrang kum 2020 HRUAITU TE