BJP Mizoram President thar - Vanlalhmuaka

/
BJP Mizoram State hruaitu thlanna neih ah President thar atan Vanlalhmuaka chu thlantlin a ni.
BJP Mizoram State hian nimin khan Aizawl-a an Office-ah Chhung Inkhawm neiin he hunah hian Central BJP hruaitu te atanga inthlanna neihpui tura lo kal, Vinod Sonkar MP (LS) chuan BJP Mizoram State President atan hian Vanlalhmuaka thlan a nih thu a puang a, he hunah hian Vinod Sonkar chuan Mizoram President thlan anih hmain National Vice President ten State Council Member te hnen atangin State President tur atana mi tha tur thlan lailawkna neih a nih tawh thu leh President thar thlanchhuah a ni ta chu lawmawm a tih thu a sawi a. BJP National President thlanna ah pawh Mizoram chuan Vote a nei thei dawn ta tih sawiin, State lian UP te pawhin National President thlanna ah hian Vote an nei thei dawn lo niin a sawi.
He hunah hian an BJP Mizoram President kalchhuak tur, Prof. JV. Hluna pawhin President thar duhsakna hlanin a kaihhruaina hnuaiah hmasawnna duhawm tak leh chak zawk an neih a beisei thu a sawi a. BJP Mizoram tana a lo thawh tawhna ah BJP Member, a thawhpui te zawng zawng chungah lawmthu a sawi bawk.
He hunah hian BJP President thar, Vanlalhmuaka pawhin an President kalchhuak nen chuan pafa ang mai an nih thu sawiin, BJP Mizoram President anih laia theihtawp chhuaha a lo thawh tawhna chuan Mizoram BJP-ah rah tha tak a chhuah tih a sawi a. Mizoram leh hnam tan theihtawp chhuahin an kal dawn tih sawiin, “Kum 2023 MLA Election lo awm tur atan Sawrkarna siam ngei turin theihtawp kan chhuah nghal dawn a ni,” a ti bawk.
Vanlalhmuaka hi December 12, 1971-a piang niin Laldingliana (L) leh Thangzahawii t fa upa ber a ni a, Vairengte-ah zirna tanin College a zawh hnuah Combine Defence Service (CDS-IMA) ah Sipai Officer ni turin a inziaktling a, kum 2001-2016 chhungin Civil Service Coaching Center ‘Study Forum’ dinin hemi kaltlang hian mi tam takin hlawhtlinna an lo nei tawh a ni.
BJP Mizoram President thar puan a nih rual hian National Council Member atan Nirupam Chakma chu thlan tlin a nih thu puan a ni bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »