Miss Mizoram thlanna Serchhip-ah kalpui a ni dawn

MJA leh Zonet Cable TV in 'Miss Mizoram, 2020' thlanna a neih turah Serchhip District-a tel duhte tan tun thla ni 18 thleng dilna thehluhna hun hawn a ni.
MJA leh Zonet Cable TV in 'Miss Mizoram, 2020' thlanna an neih tura Serchhip District tana inelna neih tur chungchang ngaihtuah hian nimin khan MJA Serchhip District chuan Executive Committee Meeting an nei a, he thut-khawm a tel te hian Serchhip District tana 'Miss Mizoram' thlanna neih tur atan hian Selection Committee an din a. He inelna a tel duhte tan hian tun thla ni 18 thleng dilna Form siamsa lachhuakin thehluh theih a ni dawn a, Form hi Serchhip tan TT Vision Office, Ramlai Arsi Newspaper Office, Serchhip Times Office leh Zothlifim Newspaper Office bakah Thenzawl-ah Vantawng Newspaper Office leh North Van-laiphai-ah R. Lalhminghlua (Hrangturzo Newspaper) te hnen atanga lachhuakin thehluh theih a ni ang.
Hei bakah hian MJA Serchhip District Executive Committee Meeting hian MJA Ser-chhip District Annual Conference chu kumin January 31 khian SIRD Auditorium-ah neiin kum hnih (2) chhunga hruaitu tur thlanna neih nghal nise an ti a. Khuallian atan Serchhip DC sawm nise an ti bawk.

Comments

Chhiar Hlawhte