Veterinary, Fishery & Sericulture Board thukhawm

Mizoram sawrkar-a Veterinary, Fishery & Sericulture Board chu nimin khan an Chairman leh AH&Vety Minister, Dr. K. Beichhua hovin a Pisa-ah an thukhawm.
Veterinary, Fishery & Sericulture Board thutkhawm vawi 3-na ah hian Dr. K. Beichhua chuan Mizoram hmasawnna turin Socio Economic Development Programme kalpui tan a nih thu sawiin, heng Development Board hrang hrang zingah hian ei leh bar a kan intodelh theih nan Veterinary, Fishery and Sericulture Board hi a pawimawh hle tih a sawi a, Board Member te chuan hemi kawnga hmasawnna chak zawk kan ramin a hmuh theih nan thahnemngai taka he Board bultum hre chunga hna thawk turin a chah bawk. AH&Vety Minister chuan he Board in a huam Department chhunga mithiam te chu Mizoram hmasawnna turin an theihna leh thiamna te hlawk zawk a hman a nih theih nan theihtawp chhuaha tangkai tak a chhawr thiam turin a chah bawk.
He thutkhawm a tarlan danin Fisheries Department hnuaiah kum 2019-2020 chhung SEDP kaltlang a project hrang hrang duan cheng nuai 5985 hu thehluh tawh a ni a, Crab Farming atan cheng nuai 57 leh Fish Seed leh Net subsidized rate a pekchhuah nan cheng nuai 100.4 pawm a nih thu sawi a ni. Animal Husbandry & Veterinary department kaltlangin Mizoram State Planning Board, Monitoring & Surveillance Committee chuan District hrang hrang a Vawk leh Ar vulh tihchangtlun nan leh Zokhaw-thar-a Quarantine Camp/Station sak nan cheng nuai 1895.28 pawm a nih thu tarlan a ni bawk.

Comments

Chhiar Hlawhte